Cardiff MS. 1.363 (Hafod 2) – page 185v
Brut y Brenhinoedd
185v
arthvr a erchys y wyr wlat honno cla+
dv e gelynyon. ac anvon corff lles amher+
avder a anvones y sened rỽueyn a myne+
gy vdvnt na dyleynt wy teyrnget o enys p+
rydeyn amgen no hvnnv. Ac eno e bw arth+
vr e gayaf hvnnv. a goreskyn dynassoed bwrgw+
yn a gwnaeth. A phan ed|oed er haf en dechreỽ
dyvot. ac entev en mynnv mynet parth ar rv+
ueyn ac gwedy dechrev kerdet mynhev. enach+
af kennadeỽ en mynegy ydaỽ ry darvot y vedr+
aỽt y ney vap y chwaer goreskyn enys prydeyn
o|r ry wyscaỽ coron e teyrnas am y penn trwy cr+
evlonder a brat. ar ry kymryt Gwenhwyvar
vrenhynes en wreyc ydav.
AC gwedy mynegy y arthvr er anclot hvn+
nỽ en e lle peydyaỽ a orvc ar ryvel a dar+
parassey y leo amheravder rvueyn. ac adaỽ
howel vap emhyr llydaw a|e lw kanthaỽ y tan+
gnhevedv ac y hedychỽ ffreync. ac enteỽ a bre+
nhyned er enyssed y gyt ac ef a devthant y en+
ys prydeyn. kanys er yskymỽnhaf vradvr h+
vnnv ar ry anvonassey cheldryc tywyssawc e
| « p 185r | p 186r » |