NLW MS. Peniarth 38 – page 58r
Llyfr Blegywryd
58r
1
lleidyr kyfadef kan pallỽys y|reith. gỽiryon o|e pen
2
e|hunan. ny delit dim yn|y laỽ. ny|chat dim gantaỽ.
3
deudeg|mu dirỽy arnaỽ. Teir rỽyt brenhin ynt.
4
y teulu. ac allỽest y veirch. a|e preid|ỽarthec. ped+
5
eir keinhawc. kyfreith. a|geiff y|brenhin o|pop march ac ei+
6
don. a|dalyer ymplith y|veirch a|e ỽarthec. Teir
7
rỽyt breyr ynt. allỽest y veirch. a|e preid|ỽarthec.
8
a|e genuein voch. o pop llỽdyn a|gaffer yn|y|pl+
9
ith oc eu kyfryỽ; pedeir keinhawc. kyfreith. a|geffir T+
10
eir rỽyt tayaỽc ynt. y|ỽarthec. a|e voch. a|e|hentref.
11
o pop llỽdyn a gaffer yn eu plith o galan mei hyt
12
amser medi; pedeir keinhawc cotta a|geiff y tayaỽc.
13
Tri chorn buelyn y brenhin. y|gorn kyfed. a|e go+
14
rn kyỽeithas. a|gorn hela yn llaỽ y penkynyd. ~
15
punt a tal pob vn. Teir telyn kyfreithaỽl ynt
16
Telyn brenhin. a|thelyn penkerd. ỽheugeint a|tal
17
pop vn o|r dỽy hynny. a chyỽeirgorn pob vn a|tal
18
deudec keinhawc. a thelyn vchelỽr; trugeint a|tal. a|e
19
chyỽeirgorn; a|tal pedeir keinhawc. kyfreith. Tri|pheth
20
nyt ryd y vilein eu gỽerthu heb ganhat y arglỽ+
21
yd. march. a|moch. a|mel. os gỽrthyt y arglỽyd ~
| « p 57v | p 58v » |