Breudwd Welsh Prose 1300-1425
Cymraeg

NLW MS. Peniarth 15 – page 73

Ystoria Lucidar

73

1
a|rinwedev. Magister Sef a|arwẏdockant y|seint a|r|seren rac eglvr yw y|pennaf o|r
2
seint Sef yw hwnnw krist. Y kẏlch evr hwn a|disgleirawd ygkylch yr
3
ehevl* arrwẏdockaa eglwys dvw a|olevhaa o|hevl y|wironed Ac a|goronawd
4
o|borffor y|diodefeint ef Y ffynnawn o|olew a|dardawd o|r daẏar yw fẏnnẏawn
5
y|drvgared a|lithrawd o|r wẏrẏ veir Tagneved a|vv yn|ẏ byt pan doeth gwir
6
tagneved y|r daẏar Ysgrivennv ẏ bẏt a wnnaethpwyt ar dangos ev bot yn
7
darẏstẏngedic y|r gwir vrawdẏr Yr rei a|las a|dengẏs ẏd|ant yg|kẏfyrgoll
8
y nifer a|ymwrthotto a|dvw Ac a|e orchẏmynnev Yr annẏveil mvt a|dywat
9
o|achos ymchwelvt pobẏl y|sarascinneit y|voli dvw Discipulus Paham y|doeth tri
10
brenhin a|r teir anrec y|adoli krist. Magister. Y dangos mynnv ohonaw tynnv
11
attaỽ teir rann y dayar nyt amgen Yr asia africa evropa. Discipulus Paham
12
y|ffoes y|r eifft mwẏ noc y|wlat arall. Magister. Y|dangos vot yn wir y|voes+
13
sen y|dwẏn ohonaw plant adaf o|geithiwet kythrevl megẏs y|dvc mo+
14
yssen pobyl yr israel o|geithiwet pharao vrenhin yr eifft Ac odyna
15
ympenn y seith mlẏned yd ymchwelawd dracheven y|garvsalem nefawl drwẏ
16
seith donnyev yr yspryt glan Discipulus Paham na mynnawd ef na dysgv na
17
wnnevthvr gwẏrthev nẏ* vv deg|mlwyd ar|hvgeint. Magister. Y rodi angreifft y
18
bawp ẏn|ẏ bẏt hwn na dysco ẏnẏ del y|r oetrann dedvawl Discipulus Paham
19
y|kymerth ef vedẏd Ac ef yn gyflawn o|rat a|dwywolder. Magister. Yr kyssegrv
20
y|dwfvẏr yni. Discipulus. Paham y betẏdẏwẏt ef ẏn|ẏ dyfwvr. Magister. Am vot y|dw+
21
fvyr yn wrthwyneb y|r tan a|megẏs y|diffyd y|dwfvẏr ẏ|tan vellẏ ẏ|diffẏd
22
y|pechawt ẏn|ẏ bedyd A|pheth arall yw y dwfvyr a|wylch* pob peth bvdvr
23
Ac ef a|diffyd sychet Ac a|welir gwasgawt yndaw velly y|gwlẏch rat ẏr
24
yspryt glan bvdred y pechodev drwẏ y|bedẏd a|dilev sychet yr eneit a|wna
25
o|eir dvw a|chẏsgawt dvw a|e delw a|welir pann ymadawer a|r pechodev
26
Discipulus a|oed dec Yessv herwyd annẏan. Magister. Kynn decket oed Ac ymdangoss+
27
es ẏn|ẏ mẏnẏd. Discipulus. Paham y bv varw krist. Magister. o|achos vuvdawt me+
28
gẏs ẏ|dẏwedir Ef a vv vfyd hẏt yn anghev. Discipulus. A|erchis y|tat idaw
29
ef varw. Magister. Nac erchis Discipulus Paham y lladawd yr Jdewon iessv. Magister.
30
Am vu·chedockau o·honnaw trwẏ wironed A|c·hynnal ẏ|wironed
31
gan discv* kyfẏawvnder* yr hẏnn a|geis dvw gann bop creadvr doospar+
32
thvs. Discipulus. Paham y|gadei y|tat llad y|vn mab Ac yn gallv lvddẏ+
33
as. Magister. Pan welas dvw med ef y vab yn mynnv perfeidẏaw gwethret*
34
mor arderchawt* ac ymlad a|r brenhin krevlawn a rydhav y caeth o|e
35
veddyant dvw a|gẏtssẏnnẏawd Ac ef ar y|gweithret molẏannvs
36
hwnnw Ac a|adawd idaw varw. Discipulus. Pa|delw y|bv gẏfflawn gan
37
dvw rodi gwirion dros ennwir. Magister. am dwyllaw o|r gwaethaf y dyn
38
mvl Jawnn yw ynn rodi y gwystyl gorev drostaw y gwarchae y