NLW MS. Peniarth 11 – page 123r
Ystoriau Saint Greal
123r
1
ac ytt ac y|r arglỽydes. ac y gỽbỽl o|r teulu y am hynny. Ac
2
nac afranghet bod ytt arglỽyd. ac na vit yn|ỻe mileindra gen+
3
nyt yr na|disgynnỽyf|i. kanys nyt oes rydit ym y disgynnu
4
yn|y ỻe y bo marchaỽc vrdaỽl. yny darffo cỽplau pererindaỽt
5
seint greal. ac nac afranghet bod ytti arglỽyd yr|dywedut o+
6
honaf|i vy neges yr|ỽyf yn|y geissyaỽ. Dywet yr|hynn a vynn+
7
ych yn|ỻawen heb ynteu. Arglỽyd heb hi y daryan a|wely di gan
8
yr vnbennes racko. a vu eido ioseph yr hỽnn a|disgynnaỽd yr
9
arglỽyd y ar brenn y|groc. a ỻyma ytti hi yn anrec yn|y mod
10
y|dywedaf ytt. ar gadỽ ohonat y daryan. ar uedyr marcha+
11
ỽc urdaỽl yr|hỽnn a|daỽ yma yn|y hol. a|phar y roi ar|y golofyn
12
racko ym|perued y neuad. a gỽahard baỽb rac y roi am y
13
vynỽgyl. o·nyt hỽnnỽ e|hun. ac o|nerth honn y daỽ ef y|r|ỻe y
14
mae seint greal. ac ef a edy yma daryan goch araỻ. a|charỽ
15
gỽynn yndi. a|r beitheiat* a|wely di racko. a edewir yma heuyt.
16
ac ny lawenhaa ef vyth yny del y marchaỽc urdaỽl hỽnnỽ.
17
A vnbennes heb·yr arthur y daryan a|r bitheiat a gatwaf|i
18
yn|ỻawen. a|duỽ a|dalo ytt vot yn wiỽ gennyt y|dwyn attaf|i. y+
19
gyt a hynny heuyt heb hi. y brenhin goreu o|r hoỻ vyt yssyd y|th
20
annerch di drỽydof|i. nyt amgen no brenhin peleur. yr hwnn
21
yssyd gỽedy digỽydaỽ myỽn diruaỽr nychdaỽt. a|ỻyna yr ystyr
22
y digỽydaỽd ef yn|y gouit hỽnnỽ. o achaỽs marchaỽc urdaỽl
23
a|lettyaỽd y·gyt ac ef nosweith. yr hỽnn yr ymdangosses seint
24
greal idaỽ. ac am na ovynnaỽd ef beth oed y creir hỽnnỽ. na
25
pheth a arỽydockaei yr ymgyffroes pob ỻe y ymryuelu. hyt
26
nat oes marchaỽc urdaỽl a ymgyfarffo a|e gilyd nac yn glynn
| « p 122v | p 123v » |