NLW MS. 3035 (Mostyn 116) – page 60r
Brut y Brenhinoedd
60r
1
A|heb vn gohir gỽedy dyuot aỻectus y ynys prydein ac ymlad
2
a|charaỽn a|e lad. Y|kymerth allectus ỻywodraeth ynys prẏ+
3
dein yn|y laỽ. Ac y gỽnaeth molest a chreulonder ar y bry+
4
tanyeit o achaỽs ry ymadaỽ o·nadunt ac arglỽydiaeth
5
gỽyr rufein. a gỽrhau y garaỽn. Sef a|wnaeth y brytanyeit
6
heb aỻu diodef hynny duunaỽ y·gyt a|gỽneuthur asclepi+
7
otus tywysaỽc kernyỽ yn vrenhin arnadunt Ac odyna
8
kynuỻaỽ ỻu ac ymlad a gỽyr rufein. A|phan yttoed aỻectus
9
yn ỻundein yn gỽneuthur gỽẏluaeu y|ỽ tadolẏon dỽẏeu.
10
pan gigleu ef bot y brytanyeit yn dyuot am y ben. Pei ̷+
11
daỽ a wnaeth a|r abertheu yd oed yn eu gỽneuthur a|mynet
12
odieithyr y|dinas a|e gedernit gantaỽ. A gỽedy bot ymlad
13
yrydunt. Aerua diruaỽr y|meint a|las o|pop parth Ac
14
eissoes asclepiodotus a|r brytanyeit a oruu. a gỽasgaru by+
15
dinoed gỽyr rufein. ac eu kymeỻ ar fo Ac ẏn ẏr erlit
16
hỽnnỽ ỻad aỻectus a|ỻawer o vilyoed onadunt. A|phan
17
welas lelius ketymdeith aỻectus ry|gaffel o|r brytanyeit
18
y vudugolyaeth. Sef a|wnaeth ynteu. kynuỻaỽ yr hyn
19
a diaghyssei o|e getymdeithon a|chyrchu kaer lundein
20
a|chaeu y|pyrth a|chynal y|dinas arnadunt o|tebygu
21
gaỻu gochel eu hageu veỻy. Ac eissoes sef a|wnaeth as+
22
clepiodotus eu gỽarchae yno ỽynt Ac anuon at pop ty+
23
wysaỽc yn ynys brydein y venegi yr daruot idaỽ
24
ef ry|lad aỻectus a|ỻawer o vilyoed ygyt ac ef. A|e vot
25
ynteu yn gỽarchae yr hyn a|diaghyssei onadunt yg
26
kaer lundein. Ac ỽrth hẏnnẏ erchi y baỽb yn gyt+
27
tuun dyuot a|e hoỻ borth gantunt y geissaỽ diwrei+
28
daỽ gỽyr rufein yn ỻỽyr o|r ynys hon kanys tebygei
29
ef bot yn haỽd hẏnẏ hyt tra vydynt y gỽarchae veỻy
30
Ac o|r wys honno y doethant yn ỻỽyr paỽb o|r a hanoed
| « p 59v | p 60v » |