NLW MS. 3035 (Mostyn 116) – page 129r
Brut y Brenhinoedd
129r
1
A gỽedy menegi hyny y|arthur yn|y ỻe peidaỽ a|oruc
2
a|e darpar am vynet y rufein. Ac ymhoelut parth
3
ac ynys. prydein. A|brenhined yr yn·yssed y·gyt ac eff Ac
4
eỻỽg hywel vab emyr ỻydaỽ a ỻu gantaỽ y|tagnofe+
5
du ac y hedychu y gỽledi. kanys yr yscymunedickaff
6
vradỽr gan vedraỽt a anuonassei cheldric tywyssaỽc
7
y saesson hyt yn germania y|gynuỻaỽ y ỻu mỽyaff
8
a aỻei yn borth idaỽ A|rodi vdunt a oruc o humyr hyt
9
yn yscotlont. Ac yn achwanec. kymeinc* ac a vuassei
10
hors a hengist kyn no hyny yg|kent Ac ỽrth hyny y deuth
11
cheldric Ac ỽyth can ỻog yn ỻaỽn o|wyr aruaỽc gan+
12
taỽ o|paganyeit. a gỽrhau y vedraỽt Ac vfydhau idaỽ
13
megys y vrenhin. Ac neur daroed daroed* idaỽ ketym+
14
deithoccau attaỽ yr yscotteit a|r fichteit. A|phaỽb o|r a
15
ỽyppei ef gassau y ewythyr hyt pan yttoedynt oỻ o|ei+
16
ryf petwar ugein mil rỽg cristynogyon a|phaganyeit
17
Ac a|hyny o|nifer gantaỽ y deuth hẏt yn aber temys
18
y|ỻe yd oedynt ỻogeu arthur yn discynu. A gỽedy
19
dechreu ymlad ef a|wnaeth aerua diruaỽr o·nadunt
20
yn dyuot y|r tir. kanys yna y dygỽydassant araỽn
21
vab kynuarch brenhin yscotlont A gỽalchmei mab. gỽyar
22
Ac yn ol araỽn y|deuth ywein. Mab. vryen yn vrenhin
23
yn reget Y gỽr gỽedy hynẏ a vu glotuaỽr yn ỻawer
24
o|gynheneu. Ac o|r diwed kyt bei drỽy diruaỽr lafur
25
a|thrỽy eu ỻad. Arthur a|e lu a gafas y|tir A chan talu
26
yr aerua ỽynt a gymeỻassant vedraỽt a|e lu ar|ffo
27
A|chyn bei mỽy eiryf ỻu medraỽt no llu arthur eissoes
28
kywreinach a doethac yd ymledynt o|peunydyaỽl ym+
29
ladeu Ac ỽrth hyny y bu dir y|r anudonaỽl gan
30
vedraỽt gymryt y fo. A|r nos hono gỽedy ymgyn+
| « p 128v | p 129v » |