NLW MS. Llanstephan 27 (The Red Book of Talgarth) – page 16r
Ystoria Lucidar
16r
1
nedic yỽ na chassaaỽd duỽ dim o|r a|wnaeth. discipulus Pa delỽ y geỻir
2
dywedut ynteu caru o|duỽ y rei|da a|chassau y rei drỽc. Magister|Ef
3
a|gar duỽ bop peth o|r a|greaỽd. ac ny dodes ef bop peth yn
4
vn. a megys y kar y ỻiwyd bop ỻiỽ. a rei a vyd hagen hof+
5
fach ganthaỽ ef no|e gilid. veỻy y ryd bop vn yn|y ỻe y gỽ+
6
edo. ac ỽrth hynny y dywedir caru o|duỽ y neb a|erbynnyo
7
ef y lys nef. a chassau ohonaỽ y neb a|ossotto yn uffernaỽl
8
garchar. discipulus Beth yỽ ryd ewyỻys. Magister Rydit y dewissaỽ da neu
9
drỽc. a hynny a|gafas y dyn kyntaf ym|paratwys. ac yn
10
yr|amser hỽnn ny dichaỽn neb wneuthur da. na|e dewissaỽ
11
heb gaffael rat y gan duỽ. discipulus Beth a|dywedy di am y neb
12
a|gymero abit creuyd. ac odyna ymchoelut y|r byt drache+
13
vyn gỽedy eu proffes. Magister Y rei a dechreuo gỽneuthur da ac
14
odyna ymchoelut ar enwired. y rei hynny y ỻittia duỽ ỽrth+
15
unt. ac ny venyc y gỽas fford y|r mab a vo ar gyfeilyorn y
16
dyuot att y dat. ac odyna yd ymchoel ef y weith. veỻy y tynn
17
y rei drỽc etholedigyon crist att duỽ. ac yd ymchoelant ỽ+
18
ynteu ar eu dryclauuryeu. a megys y dỽc karyat y|r deyrn+
19
as. ac nyt a ef e|hun. veỻy ỽynteu. a megys y gỽassanaetha
20
diaỽl y duỽ. veỻy y gỽassanaetha y aelodeu ynteu y|r ethole+
21
digyon. discipulus Pa delỽ y gỽassanaetha diaỽl y duỽ. Magister Am y trem+
22
ygu ohonaỽ ac ef yn dywyssaỽc gogonedus. discipulus Ponyt ym
23
plas y nef y gỽnaeth duỽ ynteu. Magister Megys gof ỻafuryus
24
yn|y byt hỽnn. a|e gymeỻ ef yn gaeth y wassanaethu o|e|hoỻ
25
nerthoed. megys y dywedir mi a|th wnaf yn was caeth yn ̷
26
dragywyd. Einon y gof hỽnn yỽ poen a|thraỻaỽt. Y vegi+
27
neu a|e yrd yỽ profedigaeth. Y lifyeu ynt tauodeu y goganwyr
| « p 15v | p 16v » |