NLW MS. Llanstephan 27 (The Red Book of Talgarth) – page 102r
Y Groglith
102r
1
Y *N yr amser hỽnnỽ y dywaỽt Jessu ỽrth y|disgyblon.
2
a wdaỽch chỽi y byd pasc gỽedy penn y deudyd. ac
3
y|rodir un mab duỽ y grogi. Yna yd ym·gynnullassant
4
tywyssogyon yr offeireit a|hyneif y bobyl hyt yn ỻys tyw+
5
yssaỽc yr offeireit. caiphas y enỽ. ac ym·gyngor a|orugant
6
am|dala iessu o vrat a|e lad. Ac yna y dywedassnt* na wedei
7
hynny yn|dyd gỽyl. rac tyfu kynnỽryf yn|y bobyl. ac eissyoes
8
ual yd oed Jessu yn bethania yn|ty sẏmon glafỽr. y doeth
9
attaỽ gỽreic a|ỻestreit o Jreit gỽerth·uaỽr genthi. ac yna yd
10
oed yr arglỽyd yn|gogỽydyaỽ. sef a|oruc hi dinei yr ireit
11
am y benn ef. a sorri a|oruc y|disgyblon o|welet hynny. a go+
12
vyn paham y coỻit yr ireit. ef a|eỻit heb ỽynt y werthu yr
13
ỻaỽer a|e rodi y anghenogyon. ac ynteu iessu a wybu hynny.
14
ac atteb udunt a|wnaeth. paham y sorrỽch chỽi ỽrth y wreic.
15
kanys ỻafur da a lauuryaỽd ỽrthyf|i. kanys yn wastat y
16
keffỽch chỽi anghenogyon y·gyt a|chỽi. ac ny cheffỽch vyui.
17
Yr ireit a anuones y wreic honn ar vyng|corff|i. arỽyd vyng
18
crogi a|oruc. Minneu a|dywedaf y chỽi ym|pa|le bynnac y
19
traether yr euengyl hỽnn y|r hoỻ vyt. ef a|dywedir ar y dedyf
20
hi. ry wneuthur o honn y gỽeithret hỽnn. Ac yna yd|aeth
21
un o|r|deudec ebystyl Judas yscarioth oed y enỽ att tywyssogy+
22
on yr offeireit y dywedut ỽrth·unt. Pa beth a rodỽch chỽi
23
ymi. a mi a|e rodaf ef y chỽi. ac ỽynteu a|ossodassant idaỽ
24
ef dec ar|hugeint aryant. ac odyna y keissaỽd ynteu kyff+
25
uryf ar y rodi ef. Y dyd kyntaf hagen y gouynnaỽd y dis ̷+
26
gyblon idaỽ. pa|le y mynny di barattoi pasc ytt. ac ynteu
27
a erchis udunt ỽy vynet y|r dinas att nebun. a dywedỽch
The text Y Groglith starts on line 1.
| « p 101v | p 102v » |