Oxford Jesus College MS. 57 – page 92
Llyfr Blegywryd
92
1
ohonunt gỽrthlad y ỻaỻ na|e oedi. namyn pob
2
un a|geif y rann datannud. Pỽy bynnac a
3
gymero tir y dat kyn·no|r braỽt hynaf y|bra+
4
ỽt hynaf a|e gỽrthlad ef o|gỽbyl. ac ynteu a ge+
5
iff y datannud o gỽbyl. Ac o|r byd marỽ yr hy+
6
naf myỽn y datannud dirann. y vab a|geif
7
elchỽyl datannud o|gỽbyl yn erbyn paỽb.
8
Tri ryỽ vreint yssyd. breint anyanaỽl. a breint
9
sỽyd. a|breint tir. Tri phriodolder yssyd. ryỽ. a
10
breint ac etiuedyaeth. Etiuedyaeth hagen
11
herỽyd breint. breint herwyd yrỽ. ryỽ herỽ+
12
yd y gỽahan a vyd rỽng dynyon herỽyd kyf+
13
reith. Megys y gỽahan brenhin y gan uchel+
14
ỽr. Gỽr a|gỽreic. Hynaf a Jeuaf. breyr a|bilaen. ~ ~
15
T Ri ryỽ vraỽdỽr yssyd y|nghymry herỽ+
16
yd kyfreith howel da. Braỽdỽr ỻys pen+
17
nadur herỽyd sỽyd y·gyt a|brenhin dinefỽr.
18
ac aberffraỽ yn wastat. ac vn braỽdỽr kym+
19
mỽt neu gantref herỽyd sỽyd ym pob ỻys o
20
dadleueu gỽyned a phowys. a|braỽdỽr o vreint
| « p 91 | p 93 » |