Oxford Jesus College MS. 57 – page 130
Llyfr Blegywryd
130
1
gỽr. a benffygyaỽ y hoỻ dotreuyn a|eiỻ. Ny|dyry
2
gỽreic taeaỽc dim heb gennyat y gỽr o·nyt y
3
phenguch. ac ny benffyckya dim onyt y gogyr.
4
a hynny hyt y clywer y galỽ a|e|throet ar y throth+
5
ỽy. Gwreic a|geiff gan dat y mab yr y vagu ky+
6
hyt ac y dywetpỽyt vry. peis a dalo pedeir kei+
7
nyaỽc. a buch dewisseit. a phadeỻ a dalo keiny+
8
aỽc a dimei. a charreit o|r yt goreu a dyfo ar
9
dir y dat. a hynny a|berthyn y|r taeogeu.
10
Mab bonhedic a dylyir y vagu ual|hynn. ~
11
Mam y mab gysseuin a|e hymduc naỽ mis
12
yn|y chroth. tri mis gỽedy ganer hi a|e mac
13
a hynny yn|ỻe blỽydyn idi. Odyna y tat bieu
14
ac a|dyly keissyaỽ idaỽ y hoỻ gyfreideu. Yn
15
gyntaf y dyry dauat a|e chnuf a|e hoen gen+
16
thi. ac odyna gỽeren neu geinyaỽc. a phadeỻ
17
haearn neu pedeir keinyaỽc kyfreith. a
18
menneit o wenith y wneuthur Jwt y|r mab
19
a charreit. deu ychen o gynnut. Os mynn
20
y vam hi a|e keiff oỻ. ony|s mynn roder y araỻ
| « p 129 | p 131 » |