Breudwd Welsh Prose 1300-1425
Cymraeg

Oxford Jesus College MS. 119 (The Book of the Anchorite of Llanddewi Brefi) – page 34r

Ystoria Lucidar

34r

1
ef a|greỽyt yr eneiteu o|r dechreu o annwele+
2
dic defnyd. Ac wynt a|phuryfheir beunyd. Ac
3
a annuonir y eilun yr corfforoed megys y|dyỽ+
4
edir. Vynn tat i a lauuryaỽd hyt yr aỽr honn.
5
A mynnhev a lauuryaf yr hỽnn a|ssodes ev cal+
6
lonnev yn inseiledic. Sef yỽ hynny eu hene+
7
ityev. Pryt na chreo duỽ namyn eneityeu
8
glan da. Ac ỽynteu yn vfuydaỽt idaỽ ef ynn
9
mynet yn|y|corfforoed. ryued yỽ eu mynet y
10
vffernn pann vo marỽ y corff hỽnnỽ. duỽ y|mae pob
11
daeoni a|phop gleindyt gantaỽ. ny chreaỽd
12
eithyr eneideu da glan. A|rei hynny herỽyd
13
annyan a|damunant mynet yn|y corfforoed
14
megys y|damunỽn nynhev yn byỽ herỽyd a*
15
annyan. eissoes pann elont ỽy y|myỽn y|lle+
16
styr budyr halaỽc hỽnnỽ. kymeint y|gỽnant
17
ỽy y ewyllys ef. Ac y karant yn vỽy no duỽ.
18
Vrth hynny pann vo trech gantunt y llestyr
19
budyr hỽnnỽ y|maent yg|karchar yndaỽ no
20
charyat duỽ. Yaỽn yỽ y|duỽ eu gỽrthlad ỽyn+
21
tev o|e getymeithas ef. A|wybyd yr eneidy+
22
eu a vont yg|korfforoed y|dynyon bychein
23
dim. ef a|darlleir am Jeuan vedyddyỽr ry
24
synnyaỽ o|e eneit ef etwan yng|kroth y|vam.
25
Ac a|wybu ry dyuot krist attaỽ. Vrth hynny