BL Harley MS. 958 – page 32r
Llyfr Blegywryd
32r
1
gẏt a theulu ẏ brenhin. Pan goỻ odẏn ẏ an+
2
reith o gẏfreith. maer a chẏgheỻaỽr bieu ẏr
3
aneired a|r enderiged a|r dinewẏt. Ac o|r rei
4
hẏnnẏ ẏ maer a geiff ran deu ỽr. Teir punt
5
ẏỽ cowẏỻ ẏ verch. Seith punt ẏ hegwedi.
6
Gwerth galanas maer ẏỽ naỽ mu. a naỽ
7
ugein mu gan dri drẏchauel. Ac ẏ·ueỻẏ
8
dros gẏgheỻaỽr. Dros sarhaet pob vn o·ho+
9
nunt ẏ telir. naỽ ugeint arẏant. Punt
10
ẏỽ ebediỽ pob vn. Ebediỽ breẏr. hweugeint.
11
Ebediỽ bilaen breẏr. trugeint ẏỽ. kanẏ bẏd
12
na maer na chẏgheỻaỽr a dẏlẏont traẏan
13
ar vilaeneit brẏẏr. Ebediỽ bilaen brenhin
14
dec a phetwar ugeint. O|r bẏd eglỽẏs ar tir
15
ẏ bilein brenhin. hweugeint a tal ẏn|ẏ ebe+
16
diỽ. Ebediỽ abat deudec punt. Pedeir ar ̷
17
hugeint ẏỽ ebediỽ gỽr ẏstaueỻaỽc. Deu ̷+
18
dec keinhaỽc ẏỽ ebediỽ gỽreic ẏstaueỻ. Ac
19
ẏ arglỽẏd ẏ tir ẏ bo ẏr ystaueỻ ẏndaỽ ẏ|telir.
20
Ebediỽ bonedic canhỽẏnaỽl. dec a|petwar u ̷+
21
geint. Ebediỽ aỻtut ẏ rotho ẏ brenhin tir
22
idaỽ ẏỽ trugeint. A hanher hẏnnẏ a tric ẏ|r
23
brenhin. kanẏs megẏs tat idaỽ ẏỽ. A|r
24
hanner araỻ a geiff ẏ maer a|r kẏgheỻaỽr
25
ẏn deu hanher ẏ·rẏdunt. Onẏ bẏd
26
plant ẏ|r aỻtut. ẏ hoỻ da a|geiff y brenhin ei+
| « p 31v | p 32v » |