Cardiff MS. 3.242 (Hafod 16) – page 70
Meddyginiaethau
70
1
hỽnnỽ yn da a|e yfet bob bore yny|darffo; a pheidaỽ a
2
bỽydeu gỽressaỽc a|gordyfneit gỽaet yr uffarned. da yỽ
3
deint y ỻeỽ y|gyuodi esgyrn penn hendyn y daraỽ ar|dỽ+
4
fyr a|e yfet. Danned san|fret y gyuot esgyrn penn mab.
5
a|berwi y ỻedyrs* drỽy laeth geifyr yny dodo oỻ. ac yfet y
6
ỻynn hỽnnỽ. Y lad ỻygher; gỽreid y chỽefyrdan. a|gỽreid y
7
tauol. a ỻysseu kadỽgaỽn. ac emenyn gỽyry a hen vlonec
8
a|brỽnstan. eu berwi ygyt a|e|gỽasgu drỽy liein. a hynny
9
rac y ceugyn yssyd da. O|r pan alo buỽch hyt ym penn y
10
pymhet dyd gỽressaỽc vyd y ỻaeth. Kic hỽch kynn y ̷
11
vlỽyd a chic dauat gỽlyboraỽc vyd. a|dyn a|vo a chleuyt
12
gỽlyboraỽc yndaỽ nyt da idaỽ y kic hỽnnỽ. Jachaf kic
13
ỻỽdyn gỽyỻt yỽ kic jỽrch. a jachaf kic ỻỽdyn dof yỽ
14
kic tỽrch. Jachaf kic edyn gỽyỻt yỽ kic partris. Jachaf
15
kic edyn dof yỽ. kic iar. Jachaf pysgaỽt mor yỽ ỻythi.
16
Jachaf pysgaỽt awedwr yỽ draenogyeit a brithyỻot.
17
T Ri ryỽ dosted yssyd; sych dosted. a|ỻynn a|llosgeu a
18
sych enneint y gỽaredir. Maen calet; ỻyma ual
19
y|gỽaredir ỻe y|diotter; kymryt|ffonn a|e dodi ym|plyc y
20
arreu. ac odyna dodi y|dỽy|vreich o|vyỽn y|arueu* a|e ply+
21
gu y vyny am y|fonn. a|rỽymaỽ taleith am y|deu ardỽrn
22
ac am y warr. a|e ossot a|e dorr y vyny. a pheth uchel dan
23
y dỽy clun. ac o|r parth assỽ y|r|dywyssen diot y maen.
24
ac odyna y dodi myỽn enneint dỽfyr y|dyd hỽnnỽ. a thran+
25
noeth myỽn enneint dỽfyr yn|gyntaf. a|gỽedy hynny my+
26
ỽn enneint kyffeith. ac odyna y|dodi yn|y wely a|e|dorr y vy+
27
ny a sychu y|weli. a dodi ỻysseu ac emenyn haỻt ỽrthaỽ
| « p 69 | p 71 » |