Cardiff MS. 1.362 (Hafod 1) – page 58r
Brut y Brenhinoedd
58r
1
ruchelder. yny bo atgymeredic y loscỽrn; a|e maed yn
2
noeth. Eilweith yny atgymeredic y grym. y kaỽr
3
hỽnnỽ a|e kywarssagha a chledyf. yn|y diwed ef a bly+
4
gir y sarff dan y loscỽrn. Ar gwenỽynic a aballa. yn
5
hol* hỽnnỽ y daỽ baed tutneis; Ac o greulaỽn lỽybur
6
y kywarsagha y bobyl. kaer loyỽ a dyrcheif lleỽ; yr
7
hỽn a aflonyda o amryualyon ymladeu. Hỽnnỽ a|sa+
8
thyr dan y traet. Ac o agoredigyon orchyruaneu y|ha+
9
ruthra. yn|y diwed y kywaethla y lleỽ. A chefneu a bon+
10
hedigyon a escyn. Odyna y daỽ tarỽ yr amrysson. A lleỽ
11
a tereu o|e troet deheu. hỽnnỽ a ỽrthlad trỽy leeu dielỽ
12
y teyrnas. y gyrn hagen a tyrr muroed kaer exon. llew*+
13
ynaỽe kaer dubal a adeila y lleỽ. Ac a|e treulha oll a|e
14
danhed. Neidyr kaerlincol a damgylchyna y llewy+
15
naỽc. A|e kyndrycholder y laweryon a nadred a tystir
16
o aruthyr whibanat. Odyna yd|ymladant y dreige+
17
u. Ar neill a vriỽ y llall. yr edeinaỽc y gywarsaga
18
yr hon heb adaned. A|e gwenỽynic ewined a weisc
19
yn|y genoed. Ereill a deuant yr ymlad; Ac arall a
20
lad hỽnnỽ. y pymet a nessa yr lladedigyon. Ar
21
neill o agheuoed amryual a vriỽ. Odyna yd escyn
22
kefen vn a chledyf. Ac y gỽahan y pen y wrth y
23
gorff. yny bo diogedic* y wisc; yd|escyn arall a|e de+
24
heu. Ac a|e bỽrỽ ar assaỽ. hỽnnỽ a orchyfyca y noeth
25
pryt na allei dim yn wiscedic. y|lleill a boenha y ar
26
eu gefyn. Ac yg crynder y teyrnas y kymhell. Teir
27
pymp ran a dỽc yn vn. Ac e|hun a uyd arglỽyd ar y po+
28
byl. kaỽr a echtywynycca o vyỽn liỽ. A|e pobyl wen
29
a ulodeuha. Tegycheu a diwreida y tywyssogyon
| « p 57v | p 58v » |