Cardiff MS. 1.362 (Hafod 1) – page 43r
Brut y Brenhinoedd
43r
1
chogyon a dugassei vaxen gantaỽ trỽy enuydrỽ+
2
yd. ny doei pobyl y ynys prydein a allei oruot
3
arnadunt. A thra yttoedynt yno gwerescyn y
4
gỽledyd a wneynt yn|y kylch. Ac uelly yỽ gadaỽ
5
brenhinyaeth y vileinlu. Beth weithon a dy+
6
wedaf|i; namyn yna yd edewit y dinassoed yn
7
wac. Ac ỽrth hynny y kauas gỽedillon y pobyl
8
truan yn eu kyghor anuon llethyron hyt yn
9
rufein ar agicius amheraỽdyr rufein yn|y mod
10
Kỽynuan y brytanyeit yn eu [ hỽn.
11
dangos y agicius amheraỽdyr rufein. Ac
12
yn menegi bot y mor yn eu kymell yr tir ar torr
13
eu gelynyon y eu llad. A bot eu gelynyon yn
14
eu kymell yr mor y eu bodi. Ac uelly menegi
15
nat oed udunt namyn o vn o deu peth; a|e eu
16
bodi o|r mor a|e eu llad ar y tir. Ac ymchelut* a
17
wnaeth y kenhadeu yn trist heb eu gỽarandaỽ.
18
AC yna y kaỽssant yn eu kyghor anuon
19
kuhelyn archescob llundein hyt yn llydaỽ
20
y geissaỽ nerth y gan eu kereint. Ac yn yr am+
21
ser hỽnnỽ yd oed aldỽr yn vrenhin yn llydaỽ. y
22
pedwered gỽedy kynan meiriadaỽc. A gỽedy dy+
23
uot kuhelyn hyt yn llydaỽ a|e welet o|r brenhin
24
ef yn ỽr dywaỽl. y erbynneit yn enrededus.
25
Ac amouyn ac ef achaỽs y hynt ac ystryỽ
26
y negys. Ac yna y dywaỽt kuelyn ỽrthaỽ.
27
Arglỽyl* heb ef digaỽn yỽ damllywechedicet
28
itti vy neges i. A thi a allut kyffroi ar dagreu
29
o glybot y trueni yssyd arnam yn ynys
| « p 42v | p 43v » |