BL Cotton Cleopatra MS. A XIV – page 43r
Llyfr Cyfnerth
43r
1
Ef bieu calon pop llỽdyn a| lather yn| y gegin.
2
kyt anreither yr hebogyd o gyfreith. nys an ̷+
3
reitha na maer na chyghellaỽr namyn y teu ̷+
4
lu a|ryghyll. Punt yỽ guerth nyth hebaỽc.
5
Wheugeint yỽ guerth hebaỽc kyn mut ath*
6
tra uo yn| y mut. Or byd guen guedy mut
7
punt a| tal. Pedeir ar hugeint yỽ guerth
8
hỽydic. Nyth gualch wheugeint a| tal.
9
Gualch tra uo yn| y mut. a chyn mut tru ̷+
10
geint a| tal. Or byd guen guedy mut whe ̷+
11
ugeint a| tal. Nyth llamhysten pedeir ar
12
hugeint a| tal. llamysten yn| y mut a chyn
13
mut deudec keinhaỽc a| tal. Or byd guen
14
guedy mut pedeir ar| hugeint a| tal.
15
PEnkynyd a| geiff croen ych y| gayaf y| gan
16
y distein y wneuthur kynllyuaneu.
17
Ar les y brenhin yd helyant y kynydyon
18
hyt galan racuyr. Odyna hyt naỽuetdyd o| racuyr
19
nys kyfranant ac ef. Ny byd golhỽython
20
kyfreithaỽl yn hyd brenhin guedy kalan
21
racuyr. Naỽuetdyd o| galan racuyr y guetha
| « p 42v | p 43v » |