NLW MS. 24029 (Boston 5) – page 7
Llyfr Blegywryd
7
1
dunt heb eur a|heb arẏant. Ẏ|brenhin
2
bieu rodi ẏ|r etlig ẏ holl treul a|e|holl gẏ+
3
freideu ẏn anrẏdedus. Ẏ|letẏ ẏr etlig.
4
ẏỽ neuad ẏ|brenhin. a chẏt ac ef ẏ|bẏda+
5
nt ẏ|maccỽẏeit. A|r kẏnudỽr a|dẏlẏ kẏ+
6
nneu tan idaỽ a|chaẏv drẏsseu gwedy y+
7
d|el ẏr etlig ẏ gẏscu ẏn diogel. Ancwyn
8
a|geiff ẏn diuessur kannẏs digaỽn a dẏ+
9
lẏ. TRi rẏỽ ẏssẏd; brenhin. a|breẏr. a
10
bilaein. ac eu halodeu. aelodeu brenhin
11
ẏnt. ẏr rei a|perthẏnont ỽrth vrenh+
12
inaỽl vreint kẏnẏs pieiffont.
13
Ac ohonunt oll breinholaf ẏỽ ẏr etlig.
14
kannẏs ef a|leheir ẏnn|ẏ lle ẏ gỽrtrẏch+
15
ir teẏrnnas ohonnaỽ ỽrth gẏfeistẏdẏ+
16
aỽ llẏs. Eissoes o|r pan gẏmerhỽẏnt
17
tir; eu breint a|vẏd vrth vreint ẏ tir
18
a gẏnhalẏont.
19
O |R pan eistedo brenhin ẏnn|ẏ eiste+
20
dua ẏnn|ẏ teir gỽẏlen arbennic;
21
ef a|leha ar ẏ|asseu neb·vn bonhe ̷+
22
dic a|uo breint idaỽ o|etiuedẏaeth eist+
23
ed ach ẏ|laỽ. Ẏ|kẏghellaỽr ach|laỽ hỽnnỽ.
| « p 6 | p 8 » |