NLW MS. Peniarth 9 – page 15r
Ystoria Carolo Magno: Rhamant Otfel
15r
1
myn mahumet heb ef gỽethret* ansyberỽ rolond
2
a orugost. llad vy march heb achaỽs nay hay+
3
du o·honaỽ ef. ac nyt a y teu ditheu odyna
4
dan ychwerthin. A|thynu Curceus y gledyf
5
a oruc ac ystynnu y daryan o|r tu racdaỽ a
6
neidaỽ o|y vlayn parth ac at rolond a|y da+
7
raỽ ar warthaf y helym yny dygỽydỽys
8
y trỽyn yr llaỽr a llithraỽ y dyrnaỽt ar y
9
goryf vlayn. a|tharaỽ y kyfrỽy drỽydaỽ ar
10
march am y balueisseu yny vyd y cledyf hyt
11
y dỽrn yn|y dayar a dywedut geir bochsachus
12
yn vchel myn mahumet heb ef nyt oyd dyr+
13
naỽt mab yr hỽn yr aỽr hon. A duỽ heb y
14
brenhin moroed drỽm y dyrnaỽt hỽnnỽ. ac
15
yr arglỽydes veir yd archaf inheu amdiffyn
16
un rolond vy nei. Ac o|r dygỽydỽys yr iarll
17
nyt reit y neb y ryuedu canys dygỽydassei
18
varch yn varỽ y danaỽ. Dỽrndal a yttoyd
19
hagen yn baraỽt yn|y laỽ ac ef a ossodes ar
20
y sarrascin ac ef. Ac a|y trewis ar wastat y he+
21
lym yny torres y phetwared ran. ar pen llu+
22
ruc ar neill hanner y glust ynteu hyt y ma+
23
ys. ac a holltes y daryan hyt y chymherued.
24
ac ynteu hayach wedyr lad neu yr oruot
25
val y tebygei baỽp. yd oyd hagen gan otuel
26
gleỽder. a gallu maỽr ar ymlad val kynt
27
Ac a churceus a dalỽys y dyrnaỽt idaỽ dra+
28
cheuyn. a rolond idaỽ ynteu yn helaythach
29
heb vynu dim y gantaỽ yn rat. y velly y bu+
| « p 14v | p 15v » |