NLW MS. Peniarth 35 – page 30r
Llyfr Iorwerth
30r
adeuedic. Goruodogaeth. A mechniaeth
a goresgyn. O deruyd y personyeit eglỽ+
ys dywedut gallu o·nadunt hỽy rodi
naỽd yn erbyn un o|r tri pheth hynny. ~
bit ym pen y brenhin y gỽr a rodes udunt
hỽy y nodua eturyt py delỽ y rodes ef ud+
unt hỽy y nodua honno. Ac os rodes yn| y
erbyn e| hun Catwent wynteu yr hyn
a rodo ynteu udunt hỽy.
Pob perchennaỽc tir llan a dylyant dy+
uot ar pob brenhin newyd a del y dat+
canu idaỽ ef eu breint ac eu dylyet. Ac
yssef achos y datcanant idaỽ ef rac
tỽyllaỽ y brenhin. Ac gỽedy y datcanont
idaỽ ef O gwyl y brenhin bot yn iaỽn
eu breint. Estynnet udunt y nodua
ac eu breint. O deruyd y dyn gỽneuthur
angkyfreith. Ac rac yr anghyfreith hon+
no. kyrchu naỽd ac ac ef ar y naỽd
honno kyuodi haỽl arnaỽ. Ny dyly yr ab+
badeu na|r effeireit y hebrỽg ef yny wnel
iaỽn am yr anghyfarch gysseuin. O deruyd
na chyffroo haỽl arnaỽ ef. hebryngent
hỽynteu ef hyt y lle y dylyont y hebrỽng.
O deruyd y dyn gỽneuthur cam kywe+
rthyd keinaỽc y ar y nodua a chyffroi
| « p 29v | p 30v » |