NLW MS. Peniarth 15 – page 35

y|r pechaw* hwnnw ynt keissaw o|dẏn tradestlvssrwyd nev trachweirdeb

ar vwẏt nev lẏn ẏ|kymrẏt gormod ohonvnt trwẏ ẏ|bei orthrwm ar ẏ|gorff

nev ar y|eneit Nev hyt|ẏ collei ẏ|synnhwrev* nev nerth y|gorff nev gẏm  ̷ ̷+

rẏt bwẏt nev lẏn kẏn offeren dvw Svl nev dydẏev gwẏlev arbynnẏc

nev yn vẏnychach noc vn·weith yn dydẏev kathorev* A|mivilav y seint

a|r garawys Seithvet Pechawt. Marwawl ẏw godineb Sef yw hwnnw gweithret

kytknawt rwg gwr a|gwreic yn ampriawt nev ewẏllẏs ar weithredv Nev

gwreic adẏat. Torri priodas nev vorvẏndawt treissaw gwreic pechv yn

erbynn kywẏdẏaeth nev grevẏd nev a|dẏn diofvredawc nev a|dyn Ac vrddev

kyssegredic arnnaw nev a|chrefẏdẏn proffessawl nev bechv ẏn erbẏn annyan

a|dyn nev Ac annẏveil ~ ~ ~ ~ ~ ~ ~ ~

Yr medẏginaethv eneit dyn o|r seith pachawt* marwawl y|rodes dvw seith

Rinwed yn|yr eglwẏs Nyt amgen ynt bedẏd escop a|bẏdẏd offeirat yn

gynntaf oll ohonvnt a|segrẏffic* penyt anghenv vrddev kyssegredic A prio+

das Sef yw rinwed y|bedyd bot yn vadevedic diboen ẏ|dẏn y|holl pechodev

gwedẏ bedyd A|heb vedyd nyt oes fford na gobeith ẏ|dẏn caffel gwaret

na nef Ac o|achos hynnẏ dvw o|e vawr drvgared a|rodes medẏant a

gallv y|bop rẏw dẏn ẏ|vẏdẏdẏaw rac perigyl anghev Eil Rinwed escop

A hwnnw a|rodir y|dẏn yr kadarnnaw y|fyd. A gristonogaeth gantaw. Ac

o|ryn y|bedyd hwnnw haws vyd idaw vrthlad y|kẏthrevl ẏ|wrthaw Ac

ymgadw rac pechodev. Trẏdẏd Rinwed yw segyrvffic* Sef yw hwnnw

corff crist yn hollawl eneit a|chorff. A|dwywolẏaeth megys y|mae ẏn|ẏ nef

A|hynnẏ oll dan liw y bara a|r gwin A hwnnw a|rodir yr tagnovedv dvw

a|pechadvr Ac yr rydhav eneit dyn o|bechawt uarwawl. Pedweryd. Rinwed.

yw penyt Sef yw hwnnw poeni o|dẏn o|arch ẏ|periglawr trwẏ gwbẏl

ediveirwch. A|chẏffes lan Ac yn teir rann y|doosperthir penẏt Nyt

amgen yn wedi Ac yn vn·pryt. Ac yn gardawt Megẏs dẏn a|godho dvw

o|torri y orchẏmynnev gwnevthvr ohonaw yntev y|pynckev hẏnnẏ trwy

ediveirwch a|chẏffes lan Gwediet ar dvw y|caffel y|drvgared yn lle ẏ|digri+

fvwch a|gymerth yntev ẏn|ẏ pechawt. Poenet dyn y|gorff trwy vn+

prẏt A|phererindodev seint a|gweithredoed gobrwyvs Ac o|achos na wyr

dẏn bot yn gymeredic gan dvw y|wedi nev y|wethret* Rodet gardod+

dev o|e da pressennawl yr enryded y|dvw yr gwediaw Ac yr penẏdy+

aw drostaw Pẏmhet Rinwed yw aghennv Sef yw hynnẏ dodi olew

kyssegredic ar dyn yn|y glevẏt periglvs yd aghennẏt dẏn trwẏ lendit

vvched Madevedic vyd idaw yn hollawl y|pechodev marwawl A|r

neillpeth a|dywedir y|damweinaw idaw a|e dẏvrẏssaw o|aghev ẏ|a|e|ga+

ffel yechyt ar vyr amser A|dẏn a|delyir y|aghennev y|gẏnifer  

gweith ẏ|dẏgwydo y|mẏwn clevyt periglvs Chwechet Rinwed yw

vrddev kessegredic Sef yw hẏnnẏ teilẏgdawt a|medẏant ẏ|wass+