NLW MS. Peniarth 12 part ii – page 53v
Ystoria Lucidar
53v
1
Magister Megys y mae deu angeu. ueỻy y|mae dỽy gyfotedigaeth.
2
vn y|r kyrff ac araỻ y|r|eneidyeu. Pan becho y|dyn y|byd ma+
3
rỽ yr|eneit. ac ym·adaỽ o·honaỽ a|duỽ yn|y vywyt. ac yn|y
4
corff megys yn|y bed y|cledir. Pan ymchoelo drỽy benyt att
5
duỽ y kyfyt yn vyỽ megys o angeu. a|chyfotedigaeth yssyd
6
y|r kyrff. discipulus Pa|dyd. Magister Yn|dyd pasc e|hun. yn|yr un aỽr ac y
7
kyfodes crist o veirỽ. discipulus A vyd neb yna yn|y byt. Magister Byd kynn
8
gyflawnet o dynyon ac y|mae hediỽ. ac yn ỻauuryaỽ megys
9
yr aỽr·honn. rei yn eredic. ereiỻ yn morỽydaỽ. ereiỻ yn adei+
10
lyat. ereiỻ yn gỽneuthur petheu ereiỻ. discipulus Beth a uyd y|r rei
11
hynny. Magister Pan|gyfotto y rei gỽirion. engylyon a|e tynn ỽyn+
12
teu y|r awyr yn erbyn crist a|e etholedigyon. ac a|vont vyỽ a
13
dyvynnir yno y·gyt. ac yn|y tynnedigaeth hỽnnỽ y bydant
14
veirỽ. ac y daỽ eu heneidyeu yndunt drachefyn yn|yr aỽr hon+
15
no. ac ueỻy y daruu y ueir ac y Jeuan ebostol. meir gỽedy
16
y marỽ a|gymerth y chorff ac a|aeth y|r nef. a ieuan a|dyrchaf+
17
ỽyt yn|y gorff a|e eneit y vyny. ac yn hynny y credir y varỽ
18
ac yn|y ỻe y vyỽ drachevyn. Y rei drỽc. yn|y kynnỽryf hỽnnỽ
19
a vydant ueirỽ. ac yn|y ỻe yd at·vywhaant. a|hynny yỽ bar+
20
nu byỽ a meirỽ. discipulus A|gyfyt y rei a|vuant ueirỽ yn eu mam+
21
eu. Magister Y saỽl a|gymerth yspryt buchedaỽl ohonunt a|gyfot+
22
ant. discipulus Pa oet pa vessur. Magister Yn oet dengmlỽyd ar|hugeint
23
na chynt no hynny na gỽedy y buant ueirỽ. discipulus Ef a|dam+
24
chweinya weitheu y vleid yssu dyn. a ry drossi kic y|dyn yn
25
gic y|r bleid. ac yssu o arth y bleid. ac yssu o|leỽ yr arth. Pa
26
vod y kyfodei y|dyn o|r rei hynny. Magister Yr|hynn a vu yn gic y|r
27
dyn a gyvyt. ac a|berthyn ar y bỽystuil a|dric yn|y ỻaỽr. kanys
| « p 53r | p 54r » |