NLW MS. Peniarth 12 part ii – page 45r
Ystoria Lucidar
45r
1
yn newyd yndunt yna. ac yn ỻym o bop peth. Y rei hen o
2
beunydyaỽl welet a|chlywet a|vyd pỽl eu synnwyr ac a vyd
3
teneu drỽy vedylyeu ỻawer. discipulus O ba|le y|doeth yr archystauen.
4
pan yttoed wyr babilon yn|ryuelu ar|gaerussalem. Magister O orch+
5
ymyn yr arglỽyd y kudyaỽd ieremias a|r proffỽydi ereiỻ hi.
6
ym med moẏsen. ac yn|diwed y byt eli ac enoc drỽy y venegi
7
o|r arglỽyd a|e|dỽc odyno hi. discipulus A|dyaỻaỽd y proffỽydi yr|hynn a
8
dywedassant ac a ysgriuennassant. Magister Deaỻassant. discipulus Paham
9
mor dywyỻ an·amlỽc y gỽnaethant ỽy. Magister Ny dylyynt ỽy am+
10
gen. kanys y|seiri mein a|adeilant y mur. a|r ỻiwyd a|e hys+
11
gythra. veỻy y messuraỽd y padrieirch megys ỻe eglỽys duỽ
12
a|r proffỽydi o ysgruthyr a gladassant y grỽndwal. a|r ebys+
13
tyl oc eu pregetheu a|dyrchafassant y parỽydyd. a|r rei a doeth
14
yn eu|hol ỽynteu o|e hysponyat a|e hysgythrassant. nyt oed
15
hagen o|r ysgrythur namyn yr hynn a|ysgriuennwyt y
16
veibyon|duỽ. ac y|mae yr eglỽys yn agori udunt bop peth kae+
17
edic trỽy agoryat dauyd broffỽyt. ny dichaỽn y meibyon hynny
18
hagen gỽelet na deaỻ a|dyaỻant kannys karant ac ny|s cret+
19
ant. discipulus A|oes engylyon y gadỽ dynyon o bop kenedyl ac o|bop
20
dinas. Magister Y mae engylyon yn|bennaduryeit yn ỻunyeythaỽ
21
y kyfreitheu a|e deuodeu o|bop peth yn|gyfyaỽn. ac angel a
22
vyd yng|kedymdeithyas pob eneit o|r pan el y|r corff yn an+
23
noc idaỽ wneuthur da yn wastat. ac yn menegi y duỽ ac y|r
24
hoỻ engylyon yn|y|nef y hoỻ weithretoed. a duỽ yn gỽybot
25
pob peth. a|r engylyon yn gỽelet yndaỽ ynteu bop peth. discipulus Pa
26
beth a|eỻir y venegi udunt ar ny|s gỽypont. Magister Nyt oes dim
27
amgen o venegi o|r engylyon yn|gỽeithretoed ni y duỽ ac
| « p 44v | p 45v » |