NLW MS. Peniarth 12 part ii – page 44r
Ystoria Lucidar
44r
1
y bu babel. Magister Yn|y ỻe y|mae babilon uaỽr yr aỽrhonn a|adeilya+
2
ỽd semiramis vrenhines. o diglyst a phridgyst. ual y gỽrthỽy+
3
nepei y tiglyst y|r|tan. a|r pridgyst y|r|dwvyr. deudec miỻtir a
4
deugeint yn|y hyt a|e|let a|dywedir y vot. a dec kufyt a|deugeint
5
yn|tewdwr y mur. a deu wryt a deugeint a|chant yn|y uchder.
6
yn|y dinas hỽnnỽ gyntaf y dywedir aberthu y|r geudwyỽeu.
7
ac yno y genir yr angkrist megys y|dywedir. O vabilon yd|a
8
sarff a|lyngko yr hoỻ vyt. discipulus Ae da mynet y gaerussalem
9
neu y bererindaỽt araỻ. Magister Ys oed gỽeỻ treulaỽ y da yd elit
10
ac ef ỽrth anghenogyon. Pỽy bynnac hagen a|elei yr caryat
11
crist gỽedy kyffessei y hoỻ bechodeu. a|da ganthaỽ o dref y
12
dat e|hun. neu a|gynnuỻei o|e chwys a|e lauur. ac a|vydei ar
13
yr hynt honno ym|plith seint yn kymryt rann oc eu gỽediev
14
ac yn kytgyfrannu y|da ac ỽynt. neu ac anghenogyon ereiỻ.
15
y rei hynny a hoffir. ac am wneuthur kyfryỽ a|hynny y
16
molet elen. ac edoxia. Pỽy bynnac hagen a|el y|r ryỽ·le hỽnnỽ
17
yr balchder neu yr keissyaỽ clot|orwac. ỻyma y gyfloc a|geiff
18
ef. nyt amgen gỽelet ỻeoed tec a chlybot eu|hoffi. Pỽy bynnac
19
hagen a|el y bererindaỽt a|da a|enniỻ o|dwyỻ a|threis. vn
20
ffunyt ynt gan|duỽ a|r seint. a|dyn a|ladei vn mab arglỽyd
21
yng|gỽyd y dat ac a|delei a|e dwylaỽ yn|waetlyt attaỽ. discipulus
22
Paham na channattaaỽd duỽ y|dyn. gỽedy bỽytaei vnwe+
23
ith gaỻu bot heb vwyt wythnos. Magister Newyn yỽ vn o boen+
24
eu pechaỽt. a|dyn a|grewyt ual y|gaỻei vot yn wynvydedic
25
vyth pei as|mynnassei. a gỽedy dygỽydaỽ ohonaỽ ny aỻaỽd
26
ymchoelut onyt trỽy lauur. a|phei na odefei ynteu newyn
27
ac annwyt ac angkymwynnasseu ereiỻ ny lauuryei. ac
| « p 43v | p 44v » |