NLW MS. Peniarth 11 – page 106v
Ystoriau Saint Greal
106v
1
Na|vynnaf heb ynteu. namyn hynn a|vynnaf y wneuthur
2
yr disgyblaeth y|m deudec disgybyl i. kanys megys y bỽyta+
3
ỽssant ỽy yỻ|deudec gyt ar dabyl seint greal nos|diuieu ca+
4
blut. veỻy y bỽytaỽssaỽch chỽitheu yr aỽr·honn ar dabyl se+
5
int greal gyt a|mi. ac yd yỽch chỽi deudec megys yd|oedynt
6
ỽynteu. a minneu yssyd drydyd ar|dec gyt a|chỽi yn veistyr
7
arnaỽch ual yd oedỽn yn veistyr arnadunt ỽynteu. A megys
8
y gyrreis i ỽyntỽy y bregethu ar|hyt y byt. veỻy y gyrraf
9
inneu chỽitheu y|ỽch anturyeu a|r gret a|welsaỽch. ac yn|y
10
gỽassanaeth hỽnnỽ y|byd marỽ pob vn o·honaỽch. ac ar hyn+
11
ny roi y uendith udunt a|oruc ac ymdifflannv y ganthunt
12
hyt na wybuant ỽy y ba|le yd aeth ef namyn y welet yn
13
mynet tu a|r nef. Y nos honno ynghylch hanner nos gỽ+
14
edy daruot y galaath a|e gedymdeithyon wediaỽ duỽ. ar|uot
15
yn iachwyaỽdyr oc eu heneidyeu pa|le|bynnac yd elynt.
16
wynt a glywynt lef yn dywedut. Vy meibyon i eỽch chỽi
17
ymeith y gerdet ỽrth aỽch anturyeu. a phan glyỽssant ỽy
18
hynny ỽynt attebassant yr vnỻef. Tat o nef bendigedige*+
19
dic vych di am vot yn|gywiỽ gennyt yn|galỽ ni yn veiby+
20
on ac yn gedymdeithyon ytt. Ac yna y|kychwynnassant ỽy
21
o|r ỻys ac y doethant y|r gatlys. ac yno y kaỽssant veirch ac
22
arueu. ac ymeith y kerdassant yr aỽr y daruu udunt wisgaỽ
23
eu harueu. a|gỽedy daruot udunt adaỽ y casteỻ. yna ef a ymofyn+
24
naỽd pob vn onadunt pa rei oedynt ual y geỻynt ymgyfadnabot.
25
Ac yna pob vn a|dywaỽt y gilyd pa vn oed. a|phan ymwahan+
26
yssant paỽb onadunt a|aeth dwylaỽ mynỽgyl a|e|gilyd. A|phob|vn
| « p 106r | p 107r » |