NLW MS. 3035 (Mostyn 116) – page 86r
Brut y Brenhinoedd
86r
1
A gỽedy y peito ef a|e dywalder; y|ỻỽnc ef eu kic ac eu hes+
2
kyrn. Ac ym pen vryan y|ỻoscir Gỽrychyon y gynneu a
3
symudir yn eleirch. Y|rei a|nofyant yn|y sychdỽr megys
4
yn yr auon. ỽy a lyncant ẏ|pyscaỽt yn|y|pyscaỽt A|r dyn+
5
yon yn|y dynyon A gỽedy yd henhaont y rithir ỽy yn pen+
6
hỽyeit. Ac ỽynteu a|lunyant brydycheu dan y|mor. ỽynt
7
a sodant y ỻogeu ac arant ỻawer a gynuỻant Eilweith
8
y|ỻeinỽ temys Ac yny bỽynt alwedigyon auonoed eithyr
9
teruyn y|chanaỽl y kerda Y keyryd nessaf a gud. A|r my+
10
nyded a diwreida y ar y|fford ỽrth hynẏ y rodir fynhaỽn
11
laỽn o vrat Ac enwired O hono y genir bredycheu y alỽ
12
y gỽyndyt ar ymladeu. keternyt y|ỻỽyneu a gyttun+
13
na Ac ac elecheu deheuwyr yd ymladant. Bran a|ehetta
14
gyt a barcutanot a chorfforoed y rei ỻadedic a lỽnc Ar
15
vuroed kaer loyỽ y gỽna y bỽn y|nyth Ac yn|y nyth y megir
16
assen. hỽnỽ a|vac sarff maluern Ac yn ỻawer o vredycheu
17
y kyffroa. A gỽedy kymero y coron yd yskyn goruchelder
18
Ac o|r|aruthyr sein yd ofynhaa y wlat yn|y diewed ef y cry+
19
nant y|mynyded. Ac yspeilir y gỽladoed o|e ỻỽyneu. kanys
20
daỽ pryf tanaỽl anadyl yr hỽn a|lysc y gỽyd yny bo gỽrth*+
21
ladeic y gỽlybỽr O hỽnnỽ y kerdant. seith leỽ ychen kynhyr+
22
uedic o beneu bycheu O|drycwynt eu froeneu y|ỻy·grant
23
y gỽraged Ac a|e gỽnant yn priaỽt vdunt Nyt ednebyd
24
y|tat y briaỽt vab. kanys megys megys* anifeileit y by+
25
dant rewyd ỽrth hynẏ y|daỽ kaỽr enwired Yr hỽn a|arutha
26
paỽb o lymder y lygeit. Yn erbyn hỽnỽ y kyfyt dreic kaer
27
ỽyragon yr hỽn a vedylya ystryỽ. Gỽedy y bo ornest yry+
28
dunt y goruydir y dreic Ac o enwired y budugaỽl y kywer+
29
segir Yscynu ar y|dreic a|wna A gỽedy diotto y wisc yd
30
eisted ar y gefyn yn noeth A|r dreic a|e dỽc y·nteu ar oruch+
| « p 85v | p 86v » |