NLW MS. 3035 (Mostyn 116) – page 36v
Brut y Brenhinoedd
36v
1
yr eidal. Ac omyr etwa yn traethu y|gathleu.
2
A gỽedẏ vrdaỽ Madaỽc yn vrenhin gỽreic a gymerth
3
a deu vab a vu idaỽ ohenei sed* oed enweu y rei
4
hẏnnẏ membẏr a mael. A|deugein mlyned y|bu
5
vadaỽc yn gỽledychu drỽy duundeb a hedỽch. A gỽe+
6
dy marỽ Madaỽc teruysc a gyu·odes y·rỽg y deu vab
7
am y|kyuoeth. A|membyr eissoes a wnaeth dadleu
8
a|e vraỽt ar vessur tagneuedhu ac ef. Ac yna gỽneu*+
9
thu bratwẏr idaỽ a|e lad. A gỽedy ỻad mael. creulon+
10
der a gymerth membyr yndaỽ yny ladaỽd hayach hoỻ
11
dylyedogyon y deyrnas rac ofyn treissaỽ onadunt ar+
12
naỽ. Ac ymadaỽ a|e wreic mam efraỽc kadarn y vab
13
a|chydyaỽ a|r gỽyr yn erbyn anyan yr hyn oed gassach
14
gan duỽ no dim. Ac val yd oed yn hely diwarnaỽt yn
15
yr vgeinuet vlỽydyn o|e arglỽydiaeth y ỽrth y|getym+
16
deithon y|myỽn glyn koedaỽc y doethant am y ben ỻu+
17
ossogrỽyd o vleideu kyndeiraỽc ac y|ỻadassant ef ~ ~ ~
18
A gỽedẏ marỽ membẏr yd vrdỽyt efraỽc y vab yn
19
vrenhin. y|gỽr kyntaf gỽedy brutus a aeth y freinc
20
a ỻyges gantaỽ. A|gỽedy ỻawer o ymladeu a ỻad
21
y|bobyl dyuot atref gan vudugolyaeth ac amylder
22
golut gantaỽ. A|gỽedy hynnẏ a a·deilỽys dinas o|r
23
parth draỽ y himbyr. ac e|gelwis o|e enỽ ef kaer
24
efraỽc. Ac yn yr amser hỽnỽ yd oed dauid proffỽyt
25
yn vrenhin yg|kaerussalem. a siluius latinus yn yr
26
eidal. A gat a natan ac asaf yn brofỽydi yn yr israel
27
Ac odyna yd aeth ac yd a·deilỽys efraỽc kaer alclut
28
kyuerbyn ac yscotlont a|chasteỻ mynyd. yr hỽnn
29
a elwir yr aỽrhon kasteỻ y|morynyon ar vynyd dolu+
30
rus A gỽedy hynny y ganet idaỽ vgein meib o vgein
| « p 36r | p 37r » |