Oxford Jesus College MS. 57 – page 64
Llyfr Blegywryd
64
1
os mam·eglỽys vyd ac vcheỻaỽc O ymlad a
2
wneler y|myỽn mynwent. teir punt ar|dec a|delir.
3
os o uaes yn|y nodua seith|punt a|delir. Hanner
4
y punnoed hynny a|daỽ y|r abat os kyfreithaỽl
5
vyd ac eglỽyssic a ỻythyraỽl. a|r hanner araỻ
6
y|r offeiryeit a|r canonwyr. a vont yn gỽas+
7
sanaethu duỽ yno. Y ryỽ rann honno a vyd
8
rỽng yr abat a|r canonwyr o|r ymlad a|wnel
9
y naỽdwyr a|gymeront naỽd yr abat a|r of+
10
feiryeit. ac ueỻy y rennir pob peth o|r a|del y|r
11
sant o offrỽm. ac nyt y|r aỻaỽr ac* y neb araỻ.
12
O ymlad a|wneler yn ỻys. ac yn|y ỻe y bo e+
13
istedua brenhin. distein a|dichaỽn bot yn
14
haỽlỽr os yr ymladwyr ny chỽynant. kanys
15
torri tangnef y ỻys yỽ. Ny disgyn camlỽrỽ
16
o ymlad o·nyt trỽy tystolyaeth ny aỻer y
17
ỻyssu a tyster trỽy ymhaỽl. O ymlad a|wnel+
18
er myỽn nodua. gỽaet neu gleis a|seif yn
19
tystolyaeth y|r abat a|r offeiryeit trỽy vre ̷+
20
int eglỽyssic yr|abadaeth. O|r|byd ymlad yn
| « p 63 | p 65 » |