Breudwd Welsh Prose 1300-1425
Cymraeg

Oxford Jesus College MS. 119 (The Book of the Anchorite of Llanddewi Brefi) – page 74v

Marwolaeth Mair

74v

1
hi yr aỽr honn. a nessau a|oruc ar|yr elor. ac ar+
2
vaethu y|ymhỽelut yr llaỽr. a|dodi y|laỽ arnei
3
y|vynnv y|bỽrỽ yr llaỽr. Ac yn diannot y|diffrỽy+
4
thaỽd y|dỽylaỽ. hyt ym|penn y elined. Ac y|glyn+
5
nassant vrth yr elor. Ac ymdibynnv vrthi a|oruc.
6
ar ebestyl yn|y lusgaỽ vrthi. a|e doluryaỽ ygyt
7
a hynny yn boenedic. Ac val yd oed yr ebestyl
8
yn kerdet velle gann leỽenyd a|molyant yr ar+
9
glỽyd. yr engylyonn o|r wybyr od|uch y|penn.
10
a|dallaỽd y bobyl a|dothoed yn|ev herbyn o|r di+
11
nas. Ac yna y|dechreuaỽd tyỽyssaỽc yr offeireit
12
yr hỽnn a|lynassei y|dỽylaỽ vrth yr elor. lleue+
13
in a|gỽeidi ar beder a|dyỽedut val hynn. Mi a|th
14
wediaf val hynn yn|y gouut hỽnn hyt na|tre  ̷+
15
myckych di vi·ui. koffa heuyt pann yttoed y|vor
16
ỽyn vrth y|drỽs y|th argannvot. Ac y|th|volestu.
17
ry|dyỽedut ohonof|i drossot ti yna yn|da. Ac vrth
18
hynny yr aỽr honn yd adolygaf ynhev ytti vot
19
yn|drugaraỽc vrthyf trỽy dy arglỽyd di. Ac yna
20
y|dyỽat peder vrthaỽ. nyt oes yn ni veddyant
21
yn|y byt. namyn o|chredy|di y|duỽ. Ac Jessu grist
22
a|arỽedaỽd honn. An|harglỽyd nynhev. ef a|ellyg+
23
ir dy dỽylaỽ yr elor y|vrth. Ac yntev a|attebaỽd
24
yna y|bedyr val hynn. Ponyt ydym ni yn kredu.
25
a|pha|beth a|wnaỽn nynhev o|dallaỽd kenedyl