Oxford Jesus College MS. 119 (The Book of the Anchorite of Llanddewi Brefi) – page 138v
Gwlad Ieuan Fendigaid
138v
1
rodeis ouunet vy mot yn gristaỽn. a|phy|le|byn+
2
nac y|bont ychenogyonn crist. gorchygnerth yn
3
rybucheidrỽyd ni yỽ. y|hamdiffynn. a|e kynnal
4
on cardodeu ni. Godunet heuyt yỽ gennym ni
5
gofỽy bed yn harglỽyd ni ygyt a llu maỽr. me+
6
gys y|gỽedha y|ogonnyant yn maỽrỽrdayaeth
7
ni darestỽg ac vfydhav gelynnyon croc crist. a
8
dyrchauel y enỽ benndigeit ef. Yn|y teir yndia
9
yr arglỽydocaa yn maỽrỽrdaaeth ni. Ac y|kerd+
10
da yn tir ni o|r yndia eithaf yn|yr honn y mae
11
corff thomas ebostol yn gorffỽys. a|thrỽy y|di+
12
ffeith yd ymystynn hyt ygorlleỽin yr heul. Ac
13
yr ymhỽel ar ỽyr y|vabilon diffeith gyr llaỽ
14
tỽr babilon. Deudec brenhindref a|thrugeint
15
a|ỽassanaetha yn gaeth yni. Ac odit o|r rei hynny
16
ysyd yn gristonogyon. A|phob ohonunt vn ysyd
17
a|e brenhin trỽydi e|hunan. a|rei hynny oll yssyd
18
trethỽyr yni. Yn yn|tir ni y|genir anifeileit a|el+
19
ỽir eliffeit. a|dromedrarii. a chameleit. Ac y|po+
20
tamy. A chocodrilli. a metagalinarij. Cameteni+
21
rij. tỽnsirete. panthere. onagri. lleỽot gỽynnyon.
22
a chochyon. Eirth gỽynnyon. a mỽyeilch gỽynnyon.
23
keilogev redyn mudyon. Griffones. Tygres. la+
24
mie. Jene. boues. agrestes. sagitarij. dynyon gỽy+
25
yllt. dynyon a|chyrrnn arnunt. Choriuti. Correit.
| « p 138r | p 139r » |