Cardiff MS. 3.242 (Hafod 16) – page 91
Ansoddau'r Trwnc
91
1
C *>anys trỽy ansodeu y trỽngk y geỻir adnabot bei+
2
eu dyn. a|e berigleu. a|e heineu. a|e gleuyt o beỻ ac
3
o agos. yn gyntaf ni a|vynnỽn adnabot pa ryỽ·beth yỽ
4
y trỽngk. Pedwar ryỽ uoned yssyd y|r trỽngk; kyntaf yỽ;
5
sud y gỽaet a|gerda y leoed anyanaỽl o|r|corf. eil|yỽ yr amysgar
6
y wneuthur y wassanaeth ynteu. Trydyd yỽ; y gỽythi
7
y gymryt amryỽ wlybỽr y colera. a|r fleuma. Y bedwa+
8
red rann y|r arenneu trỽy wassanaethu y gỽlyboreu hyn+
9
ny a|anuonir y|r chỽyssigen. ac o hỽnnỽ y gỽelir hoỻ
10
arỽydon cleuyt. Ac ỽrth hynny o achaỽs gỽlybỽr y
11
trỽngk a|e liỽ y dyeỻir yr arỽydon drỽc a|r|rei da. O|r|byd
12
dyfyrỻyt y trỽngk neu debyc y win coch. neu y win du.
13
neu y win gỽyrd. neu y oleỽ. neu y waet. neu y drỽngk
14
aniueileit. ac os kywrein a|e hedrych yr achỽysson anghen+
15
reidaỽl hynn ac a|e|dyeiỻ ar|neiỻtu; ef a|wybyd pa vn vỽyaf
16
o|r|gỽlyboreu a|ragoro ae fleuma. ae colera. ae sanguis. ae
17
malencolia. a reit yỽ kynnuỻaỽ yr vrin myỽn ỻestyr gỽydyr.
18
a|e|adu y|orffowys hyt yr|eil aỽr. ac yna ỽrth baladyr yr
19
heul y|edrych a|e varnu herỽyd yr arỽydon a dywetpỽyt
20
vry. O|r byd du yr vrin. reit yỽ puraỽ y|dyn hỽnnỽ
21
drỽy yr ethrylithyr mỽyaf a|aỻer. ac aruer yn|vynych o
22
enneint ac o oleỽ. a|r eilweith edrych y trỽngk. ac o|r byd te+
23
byc y saffrỽn ac na loewo; gỽybyd di vot heint gỽyỽ yn|y
24
dyn hỽnnỽ gỽedy y ry veithrin o wres a sychdỽr. O|r
25
byd cul y|dyn a|e welet yn gỽanhau a bot gỽythi a·go+
26
ret ỻaỽn neu yn gochyon. a|r|trỽngk yn unỻiỽ a sinobyl
The text Ansoddau'r Trwnc starts on line 1.
| « p 90 | p 92 » |