BL Cotton Titus MS. D IX – page 35v
Llyfr Blegywryd
35v
eu kelu. brat arglỽyd. a|e golledeu. a|ch+
ynnlỽyn*. a|llad o|dyn y|tat. ot adefuir
yg kyurinach. TRi annyueil vn·troeda+
ỽc yssyd; March. a hebauc. a milgi. Y|n+
eb a torrho troet vn ohonunt talet y
werth yn hollaỽl. TRi phrenn a dyly pob
a·deilỽr maestir y gaffel y|gan y|neb piei+
ffo y coet mynho y coetỽr na mynho.
Nenbrenn. a dỽy nenfforch. TRi pheth
ny|thelir kynn coller yn ranty. kyllell.
a|chledyf. a|llaỽdyr. Teir sarhaet kele+
in ynt; pan ladher. pan yspeilher. a|ph ̷+
an ythyer hyny dygỽydho. Teir gỽar+
thrut kelein ynt; gouyn pieu pỽy a|l+
adaỽd hỽnn. pieu yr elor honn. pieu y
bed newyd hỽnn. Teir gauael nyt att+
uerir; vn yỽ; a dyccer dros letrat. ac
vn a* vach ny chymello y|vechni. a|thr+
os alanas. TRi ry* tal yssyd; y gỽynỽr.
geutỽg. neu attỽerth. neu etruryt.
TRi ymdillỽg o|rỽym|haỽl yssyd; gỽir+
tỽg. neu waessaf. neu ynvyttrỽyd.
TRi charch gychwyn* heb attychỽel ys+
syd; gỽreic wedy yd|ysgarho a|e gỽr yn
gyfureithaỽl. a thref·tadaỽc pan el y
dilys gỽedy y bo yn arglỽydiaeth ar ̷+
| « p 35r | p 36r » |