BL Cotton Cleopatra MS. A XIV – page 37r
Llyfr Cyfnerth
37r
1
pop un or sỽydogyon ereill oll eithyr y
2
penteulu ar effeirat teulu. kyn hanfỽynt
3
or sỽydogyon nyt ynt un vreint. Yn| sar+
4
haet pop vn or sỽydogyon ereill y telir
5
whe bu a whe ugeint aryant. Yn
6
eu galanas y telir whe bu a wheugeint
7
mu gan tri drychauel. Yn ebediỽ pop vn.
8
y telir wheugeint aryant. A wheugeint
9
yỽ gobyr pop vn oc eu merchet. Punt
10
yỽ a haner eu cowyll. teir punt yỽ eu he ̷+
11
guedi. Y neb a| latho dyn talet y sarhaet
12
gysseuin. Ac odyna y alanas. Ny byd
13
drychauel ar sarhaet neb.
14
Llety y penteulu uyd y ty mỽyhaf ym
15
perued y tref. canys yn| y gylch ef y by+
16
dant lletyeu y teulu mal y bỽynt paraỽt
17
ym pop reit. Yn llety y penteulu y byd y
18
bard teulu. ar| medyc. Llety yr effeirat teu ̷+
19
lu ac yscolheigon y llys gantaỽ uyd ty y
20
caplan. Llety effeirat brenhines uyd ty
21
y clochyd. Llety y distein ar sỽydogyon gan ̷+
| « p 36v | p 37v » |