NLW MS. Peniarth 38 – page 51r
Llyfr Blegywryd
51r
1
ganho. kanys gỽedy y datganer y|vraỽt; y|mae rodi
2
gỽystyl yn|y herbyn. Tri amheu braỽt yssyd. vn yỽ
3
bot amrysson rỽg haỽlỽr ac amdiffynnỽr. am y
4
varn a|rodet vdunt. ac yna y dosparth a rodassei y
5
varn. Eil yỽ bot amrysson rỽg haỽlỽr a braỽtỽr.
6
ac ymỽystlaỽ am varn. Trydyd yỽ bot ymỽystlaỽ
7
rỽg amdiffynnỽr a braỽtỽr am vraỽt. ac am y
8
deu ymỽystlaỽ hynny. yt vyd y|dosparth a|r aỽd+
9
urdaỽt lythyraỽl. kanys diledyf gyffredin vyd aỽ+
10
durdaỽt. sef vyd hynny; braỽtlyfyr. ~ ~ ~ ~
11
T ri ryỽ vraỽtỽyr yssyd yg|kymry; herỽyd kyf+
12
reith hyỽel. braỽtỽr llys peunydyaỽl herỽyd sỽyd
13
gyt a|brenhin dinefỽr. neu aberffraỽ yn ỽastat. ac
14
vn braỽtỽr kymhỽt neu gantref herỽyd sỽyd ym
15
pop llys o dadleueu gỽyned a|phyỽys. a braỽtỽr
16
o vreint tir ym pop llys kymhỽt neu gantref o
17
deheubarth. nyt amgen pop perchen tir. Pop bra+
18
ỽtỽr sỽydaỽc a|geiff pedeir keinhawc. kyfreith. o pop braỽt
19
a|talho y veint honno. y gan y|neb y|barnho idaỽ.
| « p 50v | p 51v » |