NLW MS. Peniarth 35 – page 80r
Llyfr Iorwerth
80r
1
bieu y talu kanys dyly yr ysgrybyl dyuot
2
adref heb haỽl heb arhaỽl namyn talu yr
3
deilat y eissywet. Pa dyn bynhac a dalyo
4
ysgrybyl ket ys gellyngho y pori ny chyll
5
y ureint yr gỽneuthur gwell noc a| dylyei.
6
Pỽy| bynhac a dalho ysgrybyl ac eu didor
7
hyt adref ny dylyir dim udunt Cany dy+
8
lyir den daly am yr un llỽgyr. Pvy| byn+
9
hac a dalhyo ysgrybyl a gỽrthot gỽystyl
10
kyfreithaỽl yr mynnu aryant o|r byd marỽ yr
11
ysgrybyl ef a|e tal. Pvy| bynhac a| dalyo
12
ysgrybyl llawer. Ac attal un ar uedỽl y dy+
13
lyu dros eu gweithret oll. Ac ellỽng y lle+
14
ill y kerdet. Ny dyly namyn a| del ar yr un
15
llỽdỽn hỽnnỽ. Pvy| bynhac a gaffo man
16
ysgrybyl ar y yt. a|e dauat a|e gauar. ~
17
Dewisset y deilyat a|e kymmryt kyfrif o|r
18
a| del idaỽ o|r auyr neu o|r dauat. A|e. keinaỽc. o+
19
honi gwedy dalyer pum weith. Pvy
20
bynhac a| del y ellỽng ysgrybyl dros ereill
21
Jaỽn yỽ yr deilyat gouyn idaỽ a seif ef ym
22
pob peth drostunt vy. Ac Ony seif. Ny dy+
23
ly eu hellỽng idaỽ. A chet bỽynt marỽ yr
24
na|s kaffei ef y uelly. ny thelir. Os yn+
25
teu a|seif ym pob peth. kymerer gỽystyl
| « p 79v | p 80v » |