NLW MS. Peniarth 35 – page 19v
Llyfr Cynog
19v
1
y harglỽyd a|e chenedyl a gouyn ỽynebwerth idaỽ
2
heb treis heb ordỽy. heb lef. heb diaspat ac yn ade+
3
uedic genti panyỽ o|e bod. hi a dyly ỽynebwerth
4
Sef ỽynebwerth a dyly. keinaỽc kyflet a|e thin; ~
5
O|r byd dadleu am tir a| dayar rỽng deu dyn a bar+
6
nu yr neill teruynu ar llall a dyly dỽyn y creireu
7
gantaỽ. Ar neb pieiffo y tỽng. A dyly tyngu ym
8
penn pob naỽ cam o|r a kerdho a hynny a|e traet ar y
9
teruyn e| hun. A|e hynny o|r lle dechreuho ter·uynu
10
hyt y lle y darffo idaỽ a rei hynny a| elwir naỽ cam ter+
11
Deudec peth yssyd yn llyg·ru y byt a byth y [ uyn
12
bydant yndaỽ. Ac ny ellir byth eu gwaret o+
13
honaỽ. Sef yỽ y rei hynny. Brenhin enwir. A gwan
14
arglỽyd. Ac ygnat camwedaỽc. Ac offeirat gỽre+
15
igaỽc. A chyweithyd hep reol. A phobyl heb dysc.
16
A| gỽlat hep kyfreith. ac escob heb enmyned. A hen heb
17
greuyd. A Jeuanc hep uuylldaỽt. Goludaỽc ky+
18
byd. Ac ychenaỽc syberỽ. lleidyr kynneuodic yg gỽlat
19
TRi broder y dyly un ohonunt tref tat. Ac ny|s
20
dyly y deu. Ac yn un uam un dat o|r un gỽr
21
priaỽt. Ar un wreic priaỽt. Sef yỽ un o|r deu hynny
22
mut. Ar llall yỽ claf. gwahan. Sef ford y| diuernir
23
y clafỽr am na henyỽ o|r byt a chany henyỽ o|r byt; Ny
24
dyly rann o|r byt. [ yr eil yỽ mut anghỽbyl yỽ hỽnnỽ o|e
25
tauaỽt. A chanys anghỽbyl euo; Ny dyly ynteu uot yn
26
priodaỽr Cany ellir cỽbyl o anghỽbyl. Ac ỽrth hynny nyt
27
dyn ynteu. A chanyt dyn ny dyly bot yn priodaỽr. ~ ~
| « p 19r | p 20r » |