Breudwd Welsh Prose 1300-1425
Cymraeg

NLW MS. Peniarth 11 – page 74r

Ystoriau Saint Greal

74r

1
lionel heb ef a|aethost di y|maes o|th synhwyr pan geissych ỻad dy
2
vraỽt yn|vn o|r gỽyr goreu o|r byt. ac ny diodefei gỽrda o|r|byt
3
gennyt ti hynny. Paham heb·y lionel ae ỻesteiryaỽ hynny ys+
4
syd y|th vryt ti. Je y·rof a|duỽ heb ynteu o|r|byd a|e gỽrthwynepo.
5
Yna lionel a|duc hỽyl ac a|gymerth y daryan. ac a|ovynnaỽd idaỽ
6
pa|vn oed. A phan y hadnabu ynteu ef. ef a|e rybudyaỽd drỽy erchi
7
idaỽ ymoglyt. Ac yna ymlad a|wnaethant pob vn a|e|gilyd yn wraỽl
8
kanys marchogyon da oedynt. a|pharhav a|wnaeth y uateil y+
9
ryngthunt yny gyfodes bỽrt y uyny yn|y eisted. yn gyn wannet ac
10
na|thebygei ef yn|y mis hỽnnỽ aỻel chweith ymlad nac ymdaraỽ.
11
onyt duỽ a rodei ras idaỽ. A|phan weles galogryuant yn ymlad
12
a|e|vraỽt. trỽm vu ganthaỽ a thrist am na aỻei vynet y·ryngth+
13
unt. kanys kewilyd oed ganthaỽ o|r ỻedit galogryuant yn|y am  ̷+
14
diffyn ef. ac ymlad a|wnaeth y gỽyr eissyoes yny vu hytrach lio+
15
nel no|r|ỻaỻ. Ac yna pan weles galogryuant y vot ef ym|perigyl
16
angheu. ac heb aỻel o·honaỽ ym·amdiffyn mỽy. yna ef a edrych+
17
aỽd ar vỽrt yr hỽnn oed wedy kyvodi yn|y sefyỻ. Ac yna ef a|dyỽ+
18
aỽt. bỽrt heb ef paham na deuy di y|m bỽrỽ i o|r perigyl hỽnn.
19
kanys o|th achaỽs di yd ymroessum i yn|y perigyl hỽnn. Ac o|r byd+
20
af varỽ i o|th achaỽs di kỽbyl o|r|byt a|th|oganant. Myn duỽ heb+
21
y lionel over yỽ ytti dim o hynny o datleu. kanys nessaf kymo+
22
daỽc yỽ ytti angheu. Pan gigleu bỽrt hynny nyt oed iaỽn di+
23
ogel gantaỽ y vryt. kanys gỽedy darffei idaỽ ef ỻad galogryuant.
24
diogel oed ganthaỽ y ỻedit ynteu gỽedy hynny. Ac yna ef a|dynes+
25
saaỽd att y helym ac a|e|gỽisgaỽd am y benn. A|phan|weles ef y
26
meudỽy yn varỽ. trist vu ganthaỽ. a|gỽediaỽ duỽ a|oruc ar vot