NLW MS. Peniarth 11 – page 259r
Ystoriau Saint Greal
259r
1
a|oed yn|y deyrnas. yn angcredadun bobyl. Ac a|welsant na eỻynt
2
amdiffyn y wlat kanys buassei varỽ eu harglỽyd. ỻawer o+
3
nadunt hagen a adassant eu ỻad am|na|mynnynt ym·adaỽ a|e
4
gỽan|gret. a|r rei a|vynnassant gredu y|duỽ ỽynt a|gassant na+
5
ỽd. Yna lawnslot a|beris dryỻyaỽ y dinewyt y|r rei yr oedynt ỽy
6
yn|credu udunt. kanys y rei hynny a attebei udunt drỽy y
7
dryc·ysprydoed a|oed yndunt. A|gỽedy hynny ef a|beris gỽneu+
8
thur delweu y veir ac y|r groc yr kadarnhau y rei o|r|wlat yn
9
y gret. Y|rei kadarnaf a|grymussaf o|r wlat a|ymgynnuỻas+
10
sant diwarnaỽt ygyt ac a|dywedassant. nat oed iaỽn vot y
11
wlat heb vrenhin arnei. ac ar hynny kytuunaỽ a|wnaethant
12
a|dyuot att laỽnslot. ac a|dywedassant y|mynnynt ỽy y vot ef yn
13
vrenhin arnunt. kanys enniỻassei y deyrnas. Laỽnslot yna a
14
diolches hynny yn vaỽr udunt ac a|dywaỽt ỽrthunt nac ar
15
y|wlat honno nac ar vn araỻ na|bydei ef vrenhin vyth onyt ar+
16
thur a|e gỽnelei yn|gyntaf. kanys kỽbyl o|r enniỻ a|wneuth+
17
um i heb ef efo bieu. ac yn|y enỽ y gỽnaethpwyt. ac efo a|m
18
gyrraỽd i yma a|e|varchogyon urdolyon ygyt a|mi.
19
B Renhin claỽdas a|gigleu daruot y laỽnslot ỻad mag+
20
dalans ac enniỻ y vrenhinyaeth. ac nat oed vn ynys
21
yn|gaỻel ym·amdiffyn yn|y erbyn. ny bu hoff ganthaỽ gly+
22
bot canmaỽl y vilwryaeth yn gymeint a hynny. kanys ef
23
a|doeth cof idaỽ enniỻ ohonaỽ lawer o|diroed y ar vrenhin
24
bann o vannaỽc tat laỽnslot. ac am hynny yd oed drist ef. ~ ~
| « p 258v | p 259v » |