NLW MS. Peniarth 11 – page 157v
Ystoriau Saint Greal
157v
1
val o wythen gỽaet yn dygỽydaỽ yn|y ỻester. A phob vn o·na+
2
dunt yn|dyuot gan ystlys y gilyd hyt geyr bronn gỽalchmei. Ac
3
yna gỽalchmei a|edrychaỽd ar y greal ar y gỽaeỽ. ac ef a|we+
4
lit idaỽ vot deu angel a|deu dors o gỽyr yn ỻosgi y·gyt ac ỽynt
5
Ac ar|hynny ef a|e gỽelei yn kerdet geyr y vronn ac odyna yn
6
mynet y|r capel drachefyn. a|chymeint vu lewenyd gỽalch+
7
mei ac na doeth cof idaỽ neb onyt duỽ. a|r marchogyon
8
a|oedynt gỽedy glassu o ovyn ebryvygu ohonaỽ y govyn. Ac
9
ar hynny nachaf dỽy unbennes yn dyuot o|r capel hyt
10
geyr bronn gỽalchmei. ac ef a|welei vot tri angel yn y ỻe
11
ny welsei gyn|no|hynny namyn deu. ac a|welei ym|perued
12
y greal ffuryf mab bychan. a|r pennaf o|r|marchogyon a
13
demigyaỽd gỽalchmei yna yr y rybudyaỽ. Ac yna gỽalch+
14
mei a|arganuu tri defnyn o|r gỽaet yn|syrthyaỽ ar y bỽrd ge+
15
yr y vronn. Ac ynteu o|digrifỽch edrych ar y dwywolder hỽn+
16
nỽ ny doeth cof idaỽ dywedut un geir. ac ar|hynny y
17
morynyon a aethant ymeith. a|r marchogyon a|oedynt
18
yn edrych bop un ar y gilyd o vraỽ. Gỽalchmei ynteu
19
heb aỻel tynnu y olỽc y ar y tri defnyn gỽaet. a phan ge+
20
issyaỽd ef roi y|laỽ arnunt ỽy. ỽynteu a|difflannassant
21
ymeith y ganthaỽ. Ac ar hynny nachaf y morynyon yn
22
dyuot hyt geir brornn* gỽalchmei. Ac yna edrych a|oruc
23
ef y·ỽch y benn. ac arganuot y greal debygei ef yn|yr
24
awyr. ac ar y|warthaf yd oed croc uaỽr a|gỽr arnei wedy y
25
bỽyaỽ a|hoelon a|gỽaeỽ yn|y ystlys. Sef a|oruc gỽalch+
26
mei yna edrych arnaỽ heb dyuot cof idaỽ amgen. a|r pen+
| « p 157r | p 158r » |