NLW MS. Llanstephan 27 (The Red Book of Talgarth) – page 49v
Deuddeg Pwnc y Gredo
49v
1
*val hynn y treythir ynni o byngkeu y gredo ~
2
Y n|y gredo y mae deudec pỽngk herỽyd rif y deudec ebystyl
3
y gỽyr a|wnaethant y gret. Pob un ohonunt a|wnaeth
4
pỽngk gỽahanredaỽl o·honei. a|hynny a|dangosset gynt
5
yn yr hen dedyf. a|r eil weith y veibyon yr israel. pan aethant
6
o geithiwet yr eifft y wlat gaerussalem. y wlat a rodes duỽ
7
udunt ỽy. ac y diuaaỽd y seith bobloed a|oed yndi o achaỽs
8
eu pechaỽt. Ac ueỻy y gỽnaeth duỽ yr dechreu byt. ac etto y
9
gỽna y|r greulaỽn bobyl ny chrettont ac ny bont uvud y
10
gymryt dedyfeu duỽ. a|r bobyl a vo ofyn duỽ arnunt ac
11
a|vo uvud y gymryt dedyfeu duỽ. a vaỽrhaa. ac a anrydeda.
12
A ỻyna y tri achaỽs pennaf megys y dyweit y proffỽyt y
13
symudant brenhinyaeth o genedyl y genedyl.
14
P an|doeth meibyon yr israel drỽy eurdonen yd erchis
15
Josue y gỽr a|oed dywyssaỽc ar y bobyl y deudengwyr
16
o|r deudec|ỻỽyth kymryt deudeng|mein maỽr o genaỽl yr|a+
17
uon. o|r ỻe y buassei draet yr offeiryat y·dan arch ystauen. ~
18
Yna y gỽnaeth duỽ beth maỽr yr y bobyl y dangos peth o|e
19
aỻu ef. kanys yr hoỻ·aỻu oed ganthaỽ. nyt amgen. dissy+
20
chu yr|auon yn erbyn anyan. a gadel y rann araỻ y redec
21
parth a|e haber yny aeth yr hoỻ lu drỽod yn droetsych.
22
Yn gyffelyb y hynny y gỽnaeth ar y mor pan|doeth y bo+
23
byl o|r eifft. ac y bodes pharao a|e lu yn eu|hymlit. ac y diang+
24
hyssant ỽynteu bobyl duỽ yn iach. Drỽy y|deudengwyr o
25
deudec|ỻỽyth yr israel a|r eilewyd y|dyeỻit deudec ebystyl crist.
26
Drỽy eurdonen y dyeỻit dysc iessu grist. sef yỽ honno yr e+
27
uengyl. Drỽy y deudeng|mein a|dynnwyt o berued eurdonen
The text Deuddeg Pwnc y Gredo starts on line 1.
| « p 49r | p 50r » |