NLW MS. Llanstephan 27 (The Red Book of Talgarth) – page 139r
Purdan Padrig
139r
a ryỽ neb·un a dywaỽt y chwedyl hỽnn ymi. ac yn|y wed y
gỽybu ynteu. mi a|e diwedaf kyn diwed y chwedyl hỽnn.
P adric sant maỽr a dywedei pan bregethei eir duỽ
yn gyntaf yn Jwerdon gan ol eu hanryuedodeu
gogonyant. kanys ef a|lauuryaỽd galỽ bỽystuilaỽl ene+
ideu dynyon y wlat honno o aruthred poeneu uffern a|e
kadarnhau yn daeoni drỽy adaỽ ỻewenyd paradỽys udunt.
Gỽir a dywaỽt y datkanỽr a gyffelybaỽd dynyon y|wlat y
vỽystuileit. kanys pan yttoedỽn i yn|y wlat honno ef a do+
eth attaf kynn y pasc gỽr oedaỽc moel gỽedy dygỽydaỽ y
waỻt o heneint ac arlesgu yn vaỽr. ac a|dywaỽt na chy+
merassei eiryoet rinwedeu corff crist a|e waet. Ac yn|y dyd
hỽnnỽ nyt amgen y dyd nessaf y|r pasc y mynnei y gym+
ryt. A chan gỽelei ef vy mot i yn vynach ac yn offeirat
y mynnaỽd ef amlyckau ohonaf|i y vuched drỽy gyffes
hyt pan aỻei ef nessau att rinwed corff crist yn|diogelach.
a chanyt atwaenat ef ieith y wlat honno mi a|gymereis
y gyffes ef drỽy gyfyieithyd. a phan yttoed ef yn gỽneuthur
teruyn ar y gyffes. minneu a ovynneis idaỽ ef a|ladyssei
dyn eiryoet. Ynteu a dywaỽt na wydyat ef yn hyspys
a|ladyssei mỽy no phum nyn e|hunan. ac andustary+
aỽ a|oruc a ladyssei. a megys nat oed argywedus ef yr
hynny mor vychan a|ladyssei. Ynteu a vrattayssei laỽer.
hyt na wydyat ef a vuassynt veirỽ ỽy o|hynny ae na
buassynt. Ef a|debygei yr hynny nat aei yng|kyuyr ̷+
goỻ yr y pechaỽt hỽnnỽ. pan dywedeis i idaỽ ef mae gor+
thrymaf pechaỽt oed hỽnnỽ a mỽyaf y godyant gan
| « p 138v | p 139v » |