NLW MS. Llanstephan 27 (The Red Book of Talgarth) – page 105v
Y Groglith
105v
1
y kaỽssant neb·un o|r sironyeit. simon oed y enỽ. a hỽnnỽ
2
a gymeỻant y dwyn y groc. ac y doethant y|r ỻe a|elwit gol+
3
gatha. nyt amgen kaluaria. ac y rodassant idaỽ gỽin ỻy+
4
gredic a bystyl o|e yfet. a phan|y harchwaed·aỽd ny|s ỻewes.
5
A gỽedy y rodi ar y groc y rannassant y diỻat. a bỽrỽ coel+
6
brenn amdanunt. y gỽplau a dywaỽt y proffỽyt. Wynt
7
a|rannassant vyn|diỻat. ac a vỽryassant brenneu amdan ̷+
8
unt. ac yna yd eistedassant o|e warchadỽ. a dodi yn yscri+
9
uennedic yỽch y benn y dadyl honn. Hỽnn yỽ Jessu bren+
10
hin yr idewon. Ac yna y croget deu leidyr y·gyt ac ef. un o|r
11
tu deheu ac araỻ o|r|tu assỽ. ac a elei heibyaỽ yn|y wattỽaru
12
y gan nugyaỽ eu penneu arnaỽ dan dywedut ỽrthaỽ. Hỽnn
13
a|distriỽ temyl duỽ. ac ym|penn y trydyd dyd a|e hadeilya.
14
Jacha dy|hun ot ỽyt uab duỽ. a disgyn o|r groc. ac yn gynhebic
15
y hynny y dywedynt tywyssogyon yr offeireit y·gyt a|r athra+
16
ỽon a|r|hyneif. Ereiỻ heb ỽy a|wnaei ef yn iach. ac ny dicha+
17
ỽn y wneuthur e|hun. Os|brenhin yr idewon yỽ disgynnet
18
yn aỽr o|r groc. a ni a|gredỽn idaỽ. Ymdiret y mae ef y duỽ. ryd+
19
haet ef os mynn. Jessu a|dywaỽt. mab ỽyf|i y duỽ. Ac ueỻy y
20
keỻweiryassant y ỻadron a|grogassit y·gyt ac ef. ac o aỽr
21
hanner dyd hyt bryt·naỽn y doeth tywyỻỽch ar y daear oỻ.
22
ac yng|kylch aỽr naỽn y ỻefaỽd iessu o lef maỽr. a dywedut.
23
eli. eli. lama|zabathani. Sef oed hynny yng|kymraec. vyn
24
duỽ i. vyn|duỽ i. paham yd edeweist di vyui. a|r rei a|oed yno
25
yn|sefyỻ ac y* gỽarandaỽ a|dywedassant. Elẏas y mae ef
26
yn|y alỽ. Ac yna redec o vn o·honunt a|chymryt yspỽngy
27
a|e wlychu y myỽn gỽin chwerỽ. ac ar vlaen gỽialen y rodi
| « p 105r | p 106r » |