Oxford Jesus College MS. 57 – page 280
Llyfr Blegywryd
280
1
perchennaỽc y dyn ar y da ry|delis gan y ỻaỻ. O+
2
ny cheffir perchennaỽc a|e damdyngo yn|y laỽ. o
3
ryd y lỽ bot yn eidaỽ y da. goỻynger ymdeith a|r
4
da ganthaỽ. O deruyd. caffel perchennaỽc a|e dam+
5
dyngho ynteu yn|y laỽ. a|dywedut panyỽ yn|ỻet+
6
rat y ducpỽyt y ganthaỽ. kynys gyrro ar y dyn
7
y mae y ỻedrat yn|y laỽ. reit yỽ y|r dyn y mae
8
ganthaỽ y da. keissaỽ ardelỽ kyfreithaỽl a|e gỽaha+
9
no ef a|r ỻedrat. neu ynteu a dygỽydo yng|kyfreith. Os
10
ef a|dyweit y ry vỽrỽ attaỽ o|r dyn a|e delis gan+
11
thaỽ o|e anuod. ac o|e vot yn drech noc ef. ony
12
watta y dyn a|e dellis ganthaỽ hynny. ymchoe+
13
let poen y dadleu arnaỽ. os gỽatta ynteu. dygỽy+
14
det y ỻaỻ yng|kyfreith. ỻetrat. kanys yr ardelỽ a|ardelỽ+
15
is o·honaỽ a|ry baỻaỽd idaỽ. os ef a|dyweit yn+
16
teu y vot yn wirion o|r ỻetrat beth bynnac a|dyỽ+
17
etter arnaỽ. ac na cheissyo ardelỽ namyn o|e wiri+
18
onhynni. Jaỽn yỽ gadu idaỽ y ardelw. yny baỻo
19
idaỽ. a barnu reith arnaỽ. O deruyd. gyrru ỻedrat ar
20
dyn. a|barnu arnaỽ reith. ac eilweith bot yn weỻ
| « p 279 | p 281 » |