Oxford Jesus College MS. 119 (The Book of the Anchorite of Llanddewi Brefi) – page 70v
Marwolaeth Mair
70v
1
gum ytti o|baradỽys duỽ. a|phar ditheu y|dỽyn
2
ef rac bronn dy elor di pann dycker dy eneit o|r
3
korff. A|hynny a|uyd y|trydydyd o|heddiỽ. Yna
4
y|dyỽat hi vrth yr angel. mi a|arch yt yn enỽ
5
duỽ hep hi kynnull attaf|i holl ebestyl vy ar+
6
glỽyd. i. Jessu grist. val y|gwelỽyf ỽy yn gorffor+
7
aỽl. A|phann voent yn gynndrychaỽl anuon
8
ohonaf vy ysbryt. llyma hediỽ heb yr angel
9
ydaỽ yr holl ebostyl attat ti trỽy nerth duỽ.
10
kannys yr hỽnn a|duc y|proffỽyt gynt yn hen+
11
dedyf trỽy laỽ yr angel o|ỽlat iudea hyt yma+
12
bilon tros voroed ervyn bleỽyn o|e benn ygyt
13
a|e ginnyaỽ. Velle y|mae yn kynnull attat ti+
14
theu hediỽ yr holl ebestyl. Ac ỽedy y venndigaỽ
15
ef. y|diulannaỽd yr angel yr nef. Ac yma y ky+
16
ymerth meir y|palym ry|dathoed gann yr ag+
17
hel. a cherdet parth a mynyd oliuet y|wediaỽ.
18
A gỽedy gỽnneuthur o·honei y|gỽedi. ymhoel+
19
ut adref a|oruc. A|phann yttoed Jeuan ebostol yn
20
pregethu am bryt echỽyd yn epheso. na·chaf yn
21
deissyuyt taran o|nef. Ac ỽybrenn ỽenn ygyt ar
22
taran yn disgynnv. a|e gymryt yntev y|rac bronn
23
y|niuer. a|e dyrchauel yn|yr ỽybrenn. a|e dỽyn yn+
24
tev o|r arglỽyd rac bronn drỽs y|ty yd oed ve+
25
ir yndaỽ. A|dyf ot y|myỽn a|oruc. a|chyfarch
| « p 70r | p 71r » |