Oxford Jesus College MS. 119 (The Book of the Anchorite of Llanddewi Brefi) – page 38r
Ystoria Lucidar
38r
1
oc eu chỽys megys y|dyỽedir. gỽynn y|vyt a|vỽy+
2
tao o|lauur y dỽylaỽ. Beth am y|rei bychein.
3
rei hep dyỽedut hyt ar teir|blỽyd. A hynny
4
gann gael bedyd a|vydant iach megys y|dyỽedir.
5
y|ryỽ rei hynny biev teyrnnas nef. Rei pym+
6
lỽyd. A|mỽy a|ant yg|kyfuyrgoll. ereill a|dieing
7
megys y|gỽelir ychydic a|iacheir. A chyfyg
8
yỽ y|fford a|dyỽys yr uuched. Ac ychydic a|ger+
9
da idi. eissoes megys y dethol y golomen y|gra+
10
ỽn pur. Velle y|dethol krist y etholedigyon ef
11
a|e seint dirgeledic o|blith yr holl genedyloed.
12
A|rei kenei o|genedyl y lladron a|gymer kanys
13
duỽ a|ỽybu dros garyat pỽy y|gellyngaỽd ef
14
y|waet drostunt. Yscriuennedic yỽ. Crist a|uu
15
varỽ y|rei ennỽir. Pa delỽ y|bu varỽ ef gann hyn+
16
ny dros baỽp. krist dros y etholedigyon e|hun
17
y|rei a oed ennỽir yna a|uu varỽ. Dros baỽp
18
hagen y|dyỽeit ef. Sef yỽ hynny o bop kenedyl
19
oed. Ac o bop Jeith. Ac nyt yn|yr amser hỽnnỽ
20
e|hun. namyn dros baỽp rac llaỽ. A|thros y|rei
21
a|oedynt yn vffernn megys y|dyỽedir. ny|m
22
anuonet. i. onnyt ar y|deueit a|golles ty yr
23
israel. Ty yr israel. kystal yỽ hynny a|theyr+
24
nas y|rei a|welont duỽ. Sef yỽ y|rei hynny. yr
25
engylyon. Y deueit a|gollet yỽ yr etholedic a
| « p 37v | p 38v » |