Cardiff MS. 1.363 (Hafod 2) – page 81v
Brut y Brenhinoedd
81v
1
emdeythyon y gyt ac ef at eỽdaf vrenhyn e bry+
2
tanyeyt hyt en llvndeyn a danllewychv ydav
3
entev e kyffranc hvnnv en y vrdas megys e dawod*
4
AG ena e kymyrth karadaỽc yarll kern+
5
yv mevryc y vap y gyt ac ef. ac erchy go+
6
stec a orỽc. ac en e wed honn e dywavt wrth
7
e brenyn. llyma ep ef er hynn trwy hyr amser
8
ed oedynt er rey a kedwyat* kyflavn a chyw
9
yr ffyd y ty en|y damỽnav a dyw en|y lỽnyethv.
10
kanys tydy weyth arall a orchymynneyst y|th
11
wyrda dy rody kyghor ytty pa wed y llvnyeth+
12
vt ty de verch a|th kyỽoeth gwedy ty. ac en
13
wuyhaf oll en|y dyevoed hy·nn e mae heneynt
14
en emlad a|th ty en kymeynt ac na elly tyth+
15
eỽ llywyav de pobyl a|th kyỽoeth a vo hwy.
16
Ar rei a kyghores yt rody coron e teyrnas y
17
kynan meyryadaỽc dy ney. ar rody de verch
18
y wr gwlat arall ac eỽr ac aryant y gyt a hy.
19
Ereyll a kyghorynt rody de verch y vn o ty+
20
wssogyon er enys hon a llywodraeth e teyr+
21
nas y gyt a hy. ac a dalyey e kyvoeth gwedy
22
ty. er rann vuyhaf hagen o|r kyghorwyr
| « p 81r | p 82r » |