Cardiff MS. 1.363 (Hafod 2) – page 198r
Brut y Brenhinoedd
198r
Ac gwedy dyvot maxen a chynan er wlat
hon. er hynn a trygwys eno ny chavssant
byth rat y kynnhal e coron en wastat. ket
er ry vo rey o tywyssogyon kadarn endy.
eyssyoes ereyll a vydynt wan a phan delyn ev
gelynyon y kollynt. Ac wrth henne dolvr yw
kenhyf y gwander ech pobyl chwy. kanys o|r
vn kenedyl ed hennym ny. Ac wrth henny
en gelwyr en vrytanyeyt megys ech kenedyl
chwythev. ac ed edym ny en vravl en k+
ynhal e wlat a welvch chwy rac paỽb o an
gelynyon o pob parth ynn.
AC gwedy darvot y selyf dywedwyt eve+
lly megys kan kewylyd katwallavn
a dywaỽt ỽal hynn. Arglwyd vrenyn h+
ep ef ganedyc on hentadeỽ vrenhyned. ll+
awer o dyolchredev a talaf y yty tros e n+
erth ed wyt ty en|y adaỽ y my y keyssyav
vyng kyvoeth trachevyn. Er hynn a dy+
wedy tytheỽ ry·vedỽ o·honavt nat edym
ny en kadỽ teylynctaỽt en hen tadeỽ ny
kyn no ny gwedy dyvot e brytanyeyt yr
| « p 197v | p 198v » |