BL Cotton Cleopatra MS. A XIV – page 95r
Llyfr Cyfnerth
95r
1
TRJ dygyngoll kenedyl. Vn yỽ
2
bot mab amheuedic heb dỽyn.
3
a heb diwat a| llad o| hỽnnỽ gỽr
4
o genedyl arall. Talu yr alanas honno
5
oll a| dylyir ac odyna y diwat ynteu rac
6
guneuthur o·honaỽ yr eil gyflauan. Eil
7
yỽ talu galanas oll eithyr keinhaỽc a| di ̷+
8
mei ac or byd godor am hynny a llad
9
dyn or genedyl am y godor hỽnnỽ nyt
10
oes ouyn ymdanaỽ. Trydyd yỽ pan en ̷+
11
lliper guiryon am gelein ae holi. Ac o+
12
nys diwat erbyn oet kyfreith ac or lledir
13
dyn oe genedyl ny dylyir diuỽyn ymdanaỽ.
14
TRi oet kyfreith y dial kelein rỽg
15
dỽy genedyl ny hanfont o vn wlat.
16
Enuynu haỽl yn| y dyd kyntaf or gysse+
17
uin ỽythnos y llather y gelein ac ony
18
daỽ atteb erbyn pen y pythỽnos. kyfre ̷+
19
ith yn rydhau dial. Eil yỽ or byd y dỽy
20
genedyl yn vn gantref. enuynu haỽl
21
yn| y trydydyd guedy llather y gelein. Ac
| « p 94v | p 95v » |