Bodorgan MS. – page 75
Llyfr Cyfnerth
75
1
dec niwarnaỽt a geiff y mach yna. Ac ony thal
2
y talaỽdyr yna; oet pump diwarnaỽt a geiff
3
y mach yna. Ac ony thal y talaỽdyr yna. talet
4
y mach e hunan. A phan gyfarffo y mach ar
5
talaỽdyr. yspeilet ef oc a vo ymdanaỽ o dillat
6
eithyr y pilin nessaf idaỽ. Ac uelly gỽnaet byth
7
hyt pan gaffo cỽbyl tal y gantaỽ. O|r byd ma+
8
rỽ mach dyn kyn talu o|r talaỽdyr drostaỽ y
9
vechniaeth. doet yr haỽlỽr ar y seithuet o|r
10
dynyon nessaf idaỽ uch pen bed y mach. a thyg+
11
ent y vot yn vach ac na diwygỽyt drostaỽ y
12
vechniaeth. Ac ony chaffant y bed; tygent
13
uch pen yr allaỽr gyssegyr y vot yn vach. Ac na
14
diwygỽyt drostaỽ y vechniaeth tra uu uyỽ. Ac
15
uelly y keiff y da. Kyt dycco mach y vechnia ̷+
16
eth dros lud arglỽyd; ny chyll na dirỽy na ch+
17
amlỽrỽ. O|r byd marỽ talaỽdyr dyn ac na chaf+
18
fo kymynnu y da ỽrth neb. dyget y mach y vech ̷+
19
niaeth dros y marỽ. A thalet y teir ach nessaf
20
idaỽ. ar mach bieu y gymhell kystal ar y talaỽ+
21
dyr bei byỽ. Y neb a adefho dylyu da idaỽ. tal ̷+
22
er yn diohir eithyr yn| y teir gỽyl arbenhic.
23
y nadolyc. ar pasc. ar sulgỽyn. nyt amgen noc
24
o nos nadolyc gỽedy gosper. hyt duỽ kalan
| « p 74 | p 76 » |