NLW MS. Peniarth 15 – page 91
Ystoria Lucidar
91
1
Ny varn dvw a|r arglwẏd dwyweith yr vn peth ac yn lle arall y|dyweit
2
O barnnwn ni annan* nẏ bernnir eilweith arman* Discipulus A|rymhaa penyt nev
3
alvssen onnẏt edewir y|pechawt. Magister. Megys na rymhaa neb ryw vydyginẏaeth
4
ẏ iachav y|weli a|e hayarnn allann velle nẏ rymhant yr holl weithredoed da
5
onnẏt y madevir ar pechawt kannys pwy|bynnac a|wnel pechawt ẏ|mae
6
yn gaeth y|pechawt Ac nẏ dichawnn neb rydhav gaeth arall Discipulus A dal
7
dim y|rei drwc wnnevthvr da Ef a|geiff pob dẏn tal am pob peth da o|r
8
a|wnnelont ae yma ae yn lle arall wẏnt a|e caffant yn|ẏ byt hwnn megys
9
y|dywedir am y|kyvoethawt* gẏnt ti a|gymereist da yn dẏwywẏt Rac llaw
10
wẏnt a|e caffant megẏs y|dẏwedir chwi a|e keffwch ar y|gannvet velle y
11
gwrthwẏnneb y|hẏnnẏ am pob drwc a|wnnel dẏn ef a|dielir ae ẏma ae rac
12
llaw yn lle arall megẏs ẏ|dẏwedir Ny bẏd dim dial o|r drwc geir·bronn
13
dvw wrth hẏnnẏ gwnet* dyn vn o|dev ae boeni e|hvn yman gan bennẏdẏaw
14
ae godef yntev y|gan dvw barnnv arnaw gan y|boeni. Discipulus. Paham y kenada+
15
wd dvw y|r idewonn aberthv kyvreithawl. Magister. Pryt nat ymwerentynt o|e
16
pechodev Rac aberthv ohonvnt y|r gevdwyev a|r devawt honno a|dysgessynt
17
wẏ ẏn|ẏr eifft pan yttoedynt yno ac eebrevẏgv* y|devawt honno onadunt
18
y|dvc yr arglwẏd wynt drwẏ y|diffeith yn hir o amser achos arall uu pobyl
19
yr idewonn oed gyscot ac eilvn pobyl gristonnawl ac vellẏ y|racvlaenna+
20
wl kysgawt y|gwir aberth ẏn|ẏr oen pasc nev ẏn|ẏ llo coch nev yn|y bwch pann
21
doeth crist y|gwr yssyd wironed y|rodi y|venndith a|dedyf y|teruynnawd ar
22
y kescawt hwnnw. ac a|e ymrodes e|hvn yn aberth gwahanredawl y dwyn
23
pechodev Discipulus Prẏt nat anrẏdedei y|gwẏr gẏnt onnyt yr vn duw yn|y
24
dechrev paham y|dechrevassant wẏ diwyll y|gevdwyev Magister Ef a dywedir
25
y|mae y|mabel twr y|kewri y|dechrewẏt hynny yn gyntaf Ef a dywed+
26
ir bot yn|y vchet pedeir milltir ar|hvgeint a|yno y|bv ẏ|brenhin kyntaf
27
o|r byt hwn vonobroth y|enw Ac a|wnnaeth delw belo y|tat a|chymell pawb
28
o|r a|oed drarystygedigyonn* idaw o|e adoli|ac ereill o|ymgyffelybv ac ynt+
29
ev a|wnaethant gevdwyev y|r brenhined a|vei gereint vdvnt a chymell
30
y|bopyl o|e adoli megẏs y|gwnaeth gwẏr greta y|ivbiter a|gwyr athenas.
31
y|cycropvs a|r latinẏeit. ẏ. Janvis a|gwẏr Rvfein y|Romvlvs Ofvyn
32
gynntaf a|beris y|geudwyev yn|y bẏt med horas a|chythrevleit a|eynt
33
ẏn|ẏ delwev hẏnnẏ Ac a|dwyllwyt y|bopyl gan rodi attebyon vdvnt
34
a|gwatwar amdanvnt Discipulus Pa|le y|bv babel. Magister. yn|y lle y|mae babilon
35
vawr yr awr·hon A|adeilawd semiramis vrenhines o|diglist a phridgist
36
mal y|gwrthwynebei y|tiglist y|r tan a|r plardgist* y|r dwfvyr Devdec
37
milltir a|devgein yn|y hẏt a|e let a|dywedir y|vot a|dec kyvyt a|devg+
38
ein yn tewet y|mvr a|dev wryt a|devgeint a|chant ẏn|ẏ vchet Yn|ẏ dinas
| « p 90 | p 92 » |