NLW MS. 3035 (Mostyn 116) – page 76r
Brut y Brenhinoedd
76r
1
wẏs gỽedy gỽybot o·honaỽ ry|gaffel. kytymdeithas y bren+
2
hin a|e garyat. Sef a|wnaeth ymadraỽd a|r brenhin yn|y
3
wed honn Arglỽyd heb ef dy|elẏnẏon yssyd yn ryfelu ar+
4
nat o pop parth. A hẏt y gỽelir imi hefyt bychydic o wyr
5
dy teyrnas a|th gar. kanys eu kan|mỽyaf a glyỽaf y|th
6
o·gyfadaỽ ti am dỽyn Emrys wledic o lydaỽ am dy byn*
7
y|th diot o|th vrenhinyaeth Ac ỽrth hynẏ os da genyt
8
ti. Ac o byd ragadỽy bod it. kyghor yỽ genhyf|i anuon
9
kenadeu hyt vyg wlat|i. y wahaỽd marchogyon etwa
10
o·dyno megys y bo mỽy a chadarnach an nifer ni ỽrth
11
ymlad a|th elynyon titheu. Ac val y bych dibryderach
12
titheu Ac y·gyt a hyny heuyt vn arch a archaf itt pei
13
na bei rac vyg|gomed ohonei. Ac yna y dywaỽt gỽrthe+
14
yrn. Anuon ti dy genadeu heb ef yn dianot hyt yn
15
germania y|wahaaỽd. odyno kymeint ac a vynych
16
Ac odyna arch i|minheu A|phy|beth bynac a erchych ti
17
a|e kefy. Ac yna ostỽg y|ben a wnaeth hengist a diolỽch
18
idaỽ hyny A|dywedut ỽrthaỽ val hẏn. Ti·di arglỽyd heb
19
ef a|m|kyuoethogeist|i. Ac a rodeist im eisteduaeu amyl
20
o tir a dayar Ac eissoes nyt megys y gỽedei en·rydedu
21
tywyssaỽc a hanfei o|lin brenhined. Sef achaỽs yỽ ti
22
a|dylyut rodi imi ae kasteỻ ae dinas gyt ac a|rodut.
23
Megys y|m|gỽelit inheu yn enryded·us ym plith y|tywys+
24
ogyon Ac yna y dywaỽt. Gỽrtheyrn y atteb idaỽ A ỽrda
25
heb ef vy|gỽahard. i. a wnaethpỽyt rac rodi y|ryỽ rodyon
26
hynẏ itti. kanys estraỽn genedyl a|phaganyeit yỽch
27
Ac nat atwen inheu etwa na|ch moes na|ch deuodeu.
28
Megys y gaỻỽyf ych kyffelybu y|m kiỽdaỽtwẏr. kanys
29
pei dechreuỽn i ych enrydedu chỽi megys priaỽt gene+
30
dyl yr ynys. Gỽyrda y|teyrnas a gyfodant y|m herbyn
| « p 75v | p 76v » |